परभणीत भरधाव कारची दुचाकीला धडक; एकाचा मृत्यू

केरवाडी बस स्थानका जवळील घटना अपघातात दोघे जखमी

परभणी (Parbhani car accident) : पालम येथील भरधाव वेगातील टाटा सफारी कार चालकाने दुचाकीला दिलेल्या धडकेत एकाचा मृत्यू झाला तर दोघेजण जखमी झाले. ही घटना पालम -गंगाखेड रोडवरील केरवाडी बस स्थानक परिसरात घडली. सदर प्रकरणी वाहनचालका विरोधात गुन्हा दाखल करण्यात आला आहे.  लक्ष्मण गंगाधरराव जाधव यांच्या फिर्यादीवरुन मोसीन अब्दुल कादर यांच्यावर गुन्ह्याची नोंद झाली आहे.

सदर वाहनचालकाने त्याच्या ताब्यातील एमएच २६ बी.सी.७७२७ या क्रमांकाची (Parbhani car accident) गाडी भरधाव वेगात निष्काळजीपने चालवून दुचाकीला पाठीमागुन जोराची धडक दिली. या अपघातात नामदेव खंडुजी जाधव वय ४५ वर्ष रा.केरवाडी यांच्या मृत्यू झाला. तर हरिओम रंगनाथ भुसनर, हनुमंत लक्ष्मण खरात हे दोगे गंभीर जखमी झाले आहेत. प्रकरणाचा तपास पोउपनि प्रकाश लोखंडे करत आहेत.