घरात घुसून अल्पवयीन मुलीचा विनयभंग; जिवे मारण्याची धमकी

आखाडा बाळापूर (Minor Girls Molestation) : पोलीस स्थानकातंर्गत एका गावातील घरात घुसून अल्पवयीन मुलीचा विनयभंग करून जिवे मारण्याची धमकी देण्यात आली याबाबत आरोपी विरुध्द गुन्हा दाखल करण्यात आला.

याबाबत मिळालेल्या माहितीनुसार, पोलीस स्थानक हद्दीतील एका गावात २५मे रोजी दुपारी एका घरात घुसून अल्पवयीन मुली सोबत गैरप्रकार करून विनयभंग करून कोणाला काही सांगितले तर जिवे मारण्याची धमकी दिली यामुळे आरोपी विरूद्ध भा.द.वि.विविध कलमानुसार व बाल लैंगिक अत्याचार अधिनियम २०१२नुसार गुन्हा दाखल करण्यात येउन पोलीस निरीक्षक विष्णुकांत गुठ्ठे मार्गदर्शनाखाली पोलीस उपनिरीक्षक बालाजी गोणारकर, बिटप्रमुख राजेश घोंगडे पुढील तपास करत आहेत.

कपडे घेऊन गेलेली अल्पवयीन तरूणी बेपत्ता
आखाडा बाळापूर पोलीस स्थानक अंतर्गत (Minor Girls Molestation) एका गावातील अल्पवयीन तरूणी २४मे रोजी दुपारी दिड वाजण्याच्या सुमारास घरातील कपडे घेऊन गेली ती परतलीच नाही यामुळे तिचा शोध घेऊन मिळून आली नसल्याने २५मे रोजी कोणीतरी अज्ञात व्यक्तीने फुस लाउन पळवून नेले म्हणून आखाडा बाळापूर पोलीस स्थानकात गुन्हा दाखल करण्यात येउन पुढील तपास पोलीस उपनिरीक्षक सुनील रोहीणकर, बिटप्रमुख शेख अनसार करत आहेत.