Hingoli District Hospital: हिंगोलील एका कंट्रॅक्टच्या नर्सने कर्तव्यावर असलेल्या अडथळ्यापर्यंत दोन महिलांनी शिवीगाळ आणि मारहाण करण्यासह मोबाईल फोन नुकसान दाखवून धमकी दिल्या.
दोघींविरोधात हिंगोली शहर पोलीस ठाण्यात गुन्हा दाखल
हिंगोली (Hingoli District Hospital) : कर्तव्यावर असताना अडथळा आणून शिवीगाळ, मारहाण आणि जीवे मारण्याची धमकी दिल्याप्रकरणी हिंगोली जिल्हा सामान्य रुग्णालयातील एका कंत्राटी परिचारिकेच्या तक्रारीवरून दोन महिलांविरोधात हिंगोली शहर पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी भाग्यश्री मारोती राऊत, या हिंगोली जिल्हा सामान्य रुग्णालयात कंत्राटी स्टाफ नर्स म्हणून कार्यरत आहेत. दि. 13 जुलै रोजी दुपारी 3.30 ते 4.00 च्या सुमारास त्या रुग्णालयातील सोनोग्राफी वॉर्डमध्ये शासकीय कर्तव्यावर असताना आरोपी संगिता तुरुकमाने आणि तिची आई, रा. राहोळी, ता. जि. हिंगोली या दोघींनी तेथे येऊन गोंधळ घातला.
"माझा नंबर उशिरा का लावला" असे म्हणत दोघींनी फिर्यादीला शासकीय कामात अडथळा आणला. यानंतर त्यांनी फिर्यादीला शिवीगाळ केली, थापडाबुक्यांनी मारहाण केली तसेच जीवे मारण्याची धमकी दिली. या हाणामारीत फिर्यादीचा अंदाजे 5000 रुपये किमतीचा मोबाईल फोन देखील फोडून नुकसान करण्यात आले, असे फिर्यादीत म्हटले आहे.
या प्रकरणी भाग्यश्री राऊत यांच्या तक्रारीवरून हिंगोली शहर पोलीस ठाण्यात शासकीय कामात अडथळा निर्माण केल्याप्रकरणी गुन्हा दाखल करण्यात आला आहे. हा गुन्हा दि. 13 जुलै रोजी रात्री 8.56 वाजता नोंदवण्यात आला. सध्या या प्रकरणाचा पुढील तपास ग्रे. पोउपनि काळे हे करत आहेत.