औसा (Hail with Heavy Rain) : औसा तालुक्यातील बेलकुंड व हिप्परगा परिसरात सोमवारी दुपारी सुमारे चार वाजण्याच्या सुमारास अचानक वादळी वाऱ्यासह गारांचा जोरदार पाऊस झाला. अवकाळी पावसामुळे परिसरातील जनजीवन काही काळ विस्कळीत झाले असून अनेक ठिकाणी घरांचे व शेतीचे नुकसान झाल्याची माहिती समोर आली आहे. वादळी वाऱ्याचा वेग प्रचंड असल्यामुळे काही घरांवरील पत्रे उडून गेली असून घरांचेही नुकसान झाले आहे. अचानक आलेल्या या नैसर्गिक संकटामुळे नागरिकांमध्ये भीतीचे वातावरण निर्माण झाले होते.
दरम्यान, हिप्परगा येथील शेतकरी व्यंकट शेषराव सूर्यवंशी यांच्या ग्रीन पॉलिहाऊसचे मोठ्या प्रमाणात नुकसान झाले आहे. (Hail with Heavy Rain) जोरदार वाऱ्यामुळे पॉलिहाऊसचे संरचना कोसळल्याने शेतकऱ्यांचे मोठे आर्थिक नुकसान झाले असल्याचे सांगण्यात येत आहे. प्रशासनाने तातडीने पंचनामे करून नुकसानग्रस्तांना मदत द्यावी, अशी मागणी शेतकऱ्यांकडून करण्यात येत आहे.
