Resignation Demand

आंदोलनांच्या पार्श्वभूमीवर ज्ञानेश कुमारांचा दौरा स्थगित; आता राजीनामा देणार?

ज्ञानेश कुमार यांचा छत्तीसगड दौरा स्थगित झाला असून त्यांच्या राजीनाम्याच्या मागणीच्या पार्श्वभूमीवर राजकीय वर्तुळात चर्चांना उधाण आले आहे.

आंदोलनांच्या पार्श्वभूमीवर ज्ञानेश कुमारांचा दौरा स्थगित; आता राजीनामा देणार?

७ आणि ८ ऑक्टोबरचा प्रस्तावित दौरा पुढे ढकलला; दंतेश्वरी मंदिर, चित्रकोट जलप्रपात आणि भोरमदेव मंदिराला देणार होते भेट

मुख्य निवडणूक आयुक्त (CEC) ज्ञानेश कुमार यांच्या राजीनाम्याच्या मागणीवरून देशभरात विरोधकांकडून आंदोलने सुरू असतानाच त्यांच्या छत्तीसगड दौऱ्याला अचानक स्थगिती देण्यात आली आहे. ७ आणि ८ ऑक्टोबर रोजी प्रस्तावित असलेला हा दौरा पुढे ढकलण्यात आल्याची माहिती निवडणूक आयोगाकडून देण्यात आली आहे. या घडामोडीनंतर ज्ञानेश कुमार यांच्या पुढील भूमिकेबाबत चर्चांना वेग आला आहे.

ज्ञानेश कुमार आणि निवडणूक आयोगातील अन्य वरिष्ठ अधिकाऱ्यांचा दोन दिवसांचा छत्तीसगड दौरा नियोजित होता. या दौऱ्यात राज्यातील काही प्रमुख धार्मिक तसेच पर्यटनस्थळांना भेट देण्याचे नियोजन करण्यात आले होते. मात्र, आयोगाने काही कारणास्तव दौरा स्थगित केल्याचे स्पष्ट केले असून त्याची नवीन तारीख नंतर जाहीर केली जाणार आहे.

या ठिकाणांना देणार होते भेट

प्रस्तावित दौऱ्यादरम्यान ज्ञानेश कुमार छत्तीसगडमधील दंतेवाडा येथील प्रसिद्ध दंतेश्वरी माता मंदिराला भेट देणार होते. याशिवाय बस्तरमधील चित्रकोट जलप्रपात आणि कवर्धा जिल्ह्यातील भोरमदेव मंदिराचाही त्यांच्या दौऱ्यात समावेश होता.

दरम्यान, छत्तीसगडच्या मुख्य निवडणूक अधिकारी कार्यालयाने मंगळवारी जारी केलेल्या पत्रानुसार, ज्ञानेश कुमार यांना या दौऱ्यासाठी राज्य अतिथीचा दर्जा देण्यात आला होता. त्यांच्या दौऱ्याच्या पार्श्वभूमीवर आवश्यक प्रोटोकॉल आणि इतर व्यवस्थांची तयारी करण्याचे निर्देश संबंधित अधिकाऱ्यांना देण्यात आले होते. मात्र, नियोजित दौरा आता स्थगित करण्यात आला आहे.

राजीनाम्याच्या मागणीदरम्यान दौरा स्थगित

ज्ञानेश कुमार यांच्या विरोधात सध्या देशातील विविध भागांत आंदोलन सुरू आहेत. विरोधी पक्षातील नेत्यांसह CJP मार्फतही त्यांच्या राजीनाम्याची मागणी करण्यात येत आहे. या आंदोलनांना तरुणाईकडूनही पाठिंबा मिळत असल्याचे समोर आले आहे.

ऑक्टोबर २०२५ ते ऑगस्ट २०२६ या कालावधीत निवडणूक आयोगातील दोन आयुक्तांनी आयोगाच्या विविध निर्णयांवर आक्षेप घेतल्याचे सांगितले जात आहे. नवीन मतदारांच्या नोंदणीसाठी वापरल्या जाणाऱ्या फॉर्म-6 मध्ये करण्यात आलेल्या बदलाचाही यामध्ये समावेश आहे. या निर्णयांवरून विरोधकांनी निवडणूक आयोगाच्या कार्यपद्धतीवर प्रश्न उपस्थित केले आणि त्यानंतर ज्ञानेश कुमार यांच्या विरोधात आंदोलनांना सुरुवात झाली.

अशा परिस्थितीत ज्ञानेश कुमार आणि त्यांच्या सहकाऱ्यांचा छत्तीसगड दौरा स्थगित झाल्याने त्यामागील कारणांबाबत विविध तर्क-वितर्क सुरू झाले आहेत. सध्या त्यांच्या राजीनाम्याची मागणी जोर धरत असताना कुमार हे राजीनामा देणार का, याकडे राजकीय वर्तुळासह देशाचे लक्ष लागले आहे. त्यांनी राजीनामा दिल्यास तो विरोधी पक्षाचा विजय मानला जाईल, अशी चर्चाही सुरू आहे.

संबंधित सामग्री

मुख्य निवडणूक आयुक्त ज्ञानेश कुमार यांच्या अडचणी वाढल्या! २० वर्षांपूर्वीच्या २ कोटींच्या लाचखोरी प्रकरणाची चौकशी होणार

मुख्य निवडणूक आयुक्त ज्ञानेश कुमार यांच्या अडचणी वाढल्या! २० वर्षांपूर्वीच्या २ कोटींच्या लाचखोरी प्रकरणाची चौकशी होणार

ज्ञानेश कुमार यांच्याविरोधातील दोन कोटींच्या कथित लाचखोरी प्रकरणाची केरळमध्ये चौकशी होणार. गृहमंत्री रमेश चेन्निथला यांचे VACB ला आदेश.

Nov 04, 2026
INDIA आघाडीची रामलीला मैदानावर भव्य महारॅली; राहुल गांधी, प्रियंका गांधी, अखिलेश यादवांसह अनेक दिग्गज नेते सहभागी

INDIA आघाडीची रामलीला मैदानावर भव्य महारॅली; राहुल गांधी, प्रियंका गांधी, अखिलेश यादवांसह अनेक दिग्गज नेते सहभागी

INDIA Ramlila Maidan Rally: मतदार यादीतील कथित अनियमितता आणि विशेष सखोल मतदार पुनरीक्षण (SIR) प्रक्रियेच्या विरोधात काँग्रेसप्रणीत INDIA आघाडीने आज रविवारी (1 नोव्हेंबर) दिल्लीत शक्तिप्रदर्शन केले.

Nov 01, 2026
ज्ञानेश कुमार यांच्याविरोधात इंडिया आघाडीचा ‘जन महाभियोग’

ज्ञानेश कुमार यांच्याविरोधात इंडिया आघाडीचा ‘जन महाभियोग’

ज्ञानेश कुमार यांच्याविरोधात इंडिया आघाडीचा ‘जन महाभियोग’; खर्गेंची पदावरून हटवण्याची मागणी, महाराष्ट्रातील ४० लाख नव्या मतदारांचा उल्लेख.

Oct 31, 2026
पदवीधर, शिक्षक मतदारसंघांची आचारसंहिता संपुष्टात; मुख्य निवडणूक अधिकारी कार्यालयाचे आदेश जारी

पदवीधर, शिक्षक मतदारसंघांची आचारसंहिता संपुष्टात; मुख्य निवडणूक अधिकारी कार्यालयाचे आदेश जारी

पदवीधर आणि शिक्षक मतदारसंघांची आचारसंहिता संपली. मुख्य निवडणूक अधिकारी कार्यालयाने 29 ऑक्टोबर रोजी आदेश जारी केला.

Oct 30, 2026
राजकीय वर्तुळात खळबळ: नर्मदा नदीत आढळली 343 मतदार ओळखपत्रे; निवडणूक यंत्रणेवर प्रश्नचिन्ह

राजकीय वर्तुळात खळबळ: नर्मदा नदीत आढळली 343 मतदार ओळखपत्रे; निवडणूक यंत्रणेवर प्रश्नचिन्ह

Election Commission Voter ID Cards: मध्य प्रदेशातील खरगोन जिल्ह्यातील मंडलेश्वर येथे नर्मदा नदीच्या घाटावर स्वच्छता मोहीम राबविताना तब्बल 343 मतदार ओळखपत्रे आढळून आली आहेत, राजकीय वर्तुळात खळबळ..

Oct 27, 2026