परभणी शहरातील अजिजीया नगरातील घटना
सात जणांविरुध्द कोतवाली पोलिसात गुन्हा दाखल
परभणी (Parbhani fatal attack) : शहरातील अजिजीया नगर परिसरात किरकोळ वादाच्या कारणावरून एका व्यक्तीवर व त्याच्या मेव्हण्यावर तलवार, लोखंडी रॉड व लाकडी काठ्यांनी जीवघेणा हल्ला करण्यात आला. ही घटना रविवार १० मे रोजी रात्री घडली. या प्रकरणी कोतवाली पोलीस ठाण्यात सात जणांविरुद्ध विविध गंभीर कलमान्वये गुन्हा दाखल करण्यात आला आहे.
याप्रकरणी शेख रफीक पि. शेख मुसा यांनी कोतवाली पोलीस ठाण्यात फिर्याद दिली आहे.
फिर्यादीनुसार, फिर्यादी व त्यांचा मेहुणा हे आरोपींना ‘आमच्या मुलासोबत का वाद घालत आहात’ असा जाब विचारण्यासाठी अजिजीया नगरातील एका किराणा दुकानाजवळ गेले होते. त्यावेळी आरोपींनी संगनमत करून गैरकायदेशीर जमाव जमवला व तलवारसदृश धारदार शस्त्र, लोखंडी रॉड तसेच लाकडी काठ्यांच्या सहाय्याने दोघांवर हल्ला केला. या हल्ल्यात फिर्यादी शेख रफीक यांच्या डोक्यावर तलवार व लोखंडी रॉडने वार करण्यात आले. तसेच पाठीवर व पायावर लाकडी काठीने मारहाण करून गंभीर जखमी करण्यात आले.
फिर्यादीच्या मेव्हण्याच्या डोक्यात व पाठीवरही लोखंडी रॉडने वार करून त्याला गंभीर जखमी करण्यात आले. (Parbhani fatal attack) आरोपींनी दोघांना जीवे मारण्याची धमकी दिल्याचेही फिर्यादीत नमूद करण्यात आले आहे. या प्रकरणी शेख शफिक शेख कटुमिया, शेख दादामिया, शेख तालीम शेख दादामिया, अनवर शेख व इतर दोन ते तीन अनोळखी इसमांविरुद्ध कोतवाली पोलीस ठाण्यात गुन्हा दाखल करण्यात आला आहे. पुढील तपास कोतवाली पोलिस ठाण्याचे प्रभारी कासले हे करीत आहेत.
