परभणीत दुचाकी अपघातात पोलीस जमादाराचा संशयास्पद मृत्यू..?

अज्ञात वाहनाची धडकाचा अंदाज; झरी -कोक परिसरातील घटना

परभणी (Police officer Death) : जिंतूर ते परभणी मार्गावर दुचाकीवरून प्रवास करत असताना पोलीस जमादाराचा संशयास्पद मृत्यू झाल्याची घटना  रविवार  ३ मे रोजी पहाटे उघडकीस आली. झरी ते कोक दरम्यान माक पाटी जवळ ताई धाब्याच्या पुढे शेतात मृतावस्थेत त्यांचा मृतदेह आढळून आला.

घटनेबाबत मिळालेल्या माहितीनुसार, गंगाधर राणा शिंदे (वय ४०, रा. त्रिमुर्ती नगर, परभणी) हे पोलीस मुख्यालयातील बँड पथकात जमादार म्हणून कार्यरत होते. शनिवार मध्यरात्री ते रविवारी पहाटे अंदाजे २.३० ते ३ वाजेच्या सुमारास ते जिंतूरहून परभणीकडे दुचाकी (क्र. एमएच २२ वाय ९८७८) वरून जात होते असा अंदाज आहे, ताई धाब्याजवळील माक पाटी परिसरात त्यांच्या दुचाकीला अज्ञात वाहनाने धडक दिल्याचा प्राथमिक अंदाज व्यक्त करण्यात येत आहे. सकाळी स्थानिक नागरिकांना शेतात मृतदेह (Police officer Death) आढळून आल्यानंतर त्यांनी तात्काळ पोलिसांना माहिती दिली.

माहिती मिळताच उपविभागीय अधिकारी दिपककुमार वाघमारे, ग्रामीणचे पोनि राजगुरु, पोशि लोणसे, चावरे, डोंबे व इतर अधिकारी-कर्मचारी घटनास्थळी दाखल झाले. त्यांनी पंचनामा करून जखमी अवस्थेतील अंमलदाराचा मृतदेह रुग्णवाहिकेद्वारे परभणी जिल्हा सामान्य रुग्णालयात पाठविला. दरम्यान वृत्त लिहि पर्यंत कुठलाहि गुन्हा दाखल नसल्याची माहिती पोलस सुत्रांनी दिली.  अंमलदारचा संशयास्पद अपघाती मृत्यू झाल्याने ग्रामीण पोलिसांनी (Police officer Death) अपघात नेमका कसा घडला, याचा अधिक तपास पोलिसांकडून करण्यात येत आहे. मयत गंगाधर शिंदे यांच्या पश्चात पत्नी व दोन मुले असा परिवार आहे. त्यांच्या पार्थिवावर शासकीय इतमामात परभणी येथे संध्याकाळी अंत्यसंस्कार करण्यात येणार असल्याची माहिती मिळाली आहे.