घोट (Netajinagar ganja seized) : येथून जवळच असलेल्या नेताजीनगर येथे घोट पोलिसांनी गुप्त माहितीच्या आधारे कारवाई करत एका घरातून 233 ग्रॅम गांजा जप्त केला.ही कारवाई काल सायंकाळी साडेसातच्या सुमारास करण्यात आली.मिळालेल्या माहितीनुसार,आरोपी गोपाल सुशील मंडल (वय 52 वर्षे,रा.नेताजीनगर) याच्या राहत्या घराची त्याच्या पत्नीसमोर झडती घेण्यात आली. यावेळी घरामध्ये 233 ग्रॅम गांजा आढळून आला. (Netajinagar ganja seized) जप्त करण्यात आलेल्या गांजाची अंदाजे किंमत 11 हजार 650 रुपये असल्याचे पोलिसांनी सांगितले.
दरम्यान, पोलिसांची धाड पडण्यापूर्वीच आरोपी घटनास्थळावरून फरार झाला होता. (Netajinagar ganja seized) घोट पोलिसांनी आरोपीविरुद्ध अप. क्र. 281/2026 अन्वये कलम 8(क), 20(ब)(II)(अ), एन.डी.पी.एस.अधिनियम 1985 अंतर्गत गुन्हा दाखल केला आहे. सदर प्रकरणाचा पुढील तपास घोट पोलीस मदत केन्द्राचे सहाय्यक पोलीस निरीक्षक किशोर शिंदे यांच्या मार्गदर्शनाखाली सहाय्यक फौजदार प्रकाश बरडे करीत आहेत. आरोपीचा शोध घेण्यासाठी विशेष पथक पोलिसांकडून प्रयत्न सुरू आहेत.
