मुलीचा मोबाईल फोडला, जातीवाचक शिवीगाळ केल्याप्रकरणीचा गुन्हा दाखल

मानोरा (Caste abuse case) : तालुक्यातील एका गावातील मुलीचा मोबाईल फोडला, मोबाईल का फोडला असे विचारले असता लाथा बुक्क्याने मारहाण करत जातीवाचक शिवीगाळ केल्याप्रकरणी आरोपी अक्षय धनराज जाधव व संजय धनराज जाधव यांच्याविरुद्ध मुलीच्या वडिलाने ठाण्यात दिलेल्या फिर्यादीवरून (Caste abuse case) पोलिसांनी ॲट्रॉसिटीसह विविध कलमान्वये गुन्हा दाखल केला आहे. पोलीस सूत्राकडून प्राप्त माहितीनुसार मागील ३ महिन्यापासून काही संबंध नसताना गावातील अक्षय जाधव याने माझ्या मुलीला मानोरा येथील कॉलेजच्या रस्त्यावर दि. १३ एप्रिल रोजी भेटून तिला धक्का मारून तिच्याजवळील मोबाईल फोन घेऊन तो फोडून आणून दिला. 

१५ एप्रिल रोजी सकाळी ९ वाजताच्या दरम्यान गावातील बौद्ध विहारजवळ अक्षय जाधव हा दिसला. मी त्याला मुलीचा मोबाईल का फोडला असे हटकले असता मी तुमच्या मुलीला किडनप करून टाकतो. तसेच तिचा पत्ताही लागू देणार नाही, अशी धमकी दिली.  व लाथाबुक्क्यांनी मारहाण सुरू करून त्याच्या हातातील काठीने डोक्यावर मारून जखमी केले. तसेच संजय जाधव हा हातात काठी घेऊन धावत आला. अन त्याच्या भावास मारून टाक पाहून घेऊ असे सांगत जातीवाचक शिवीगाळ केली. (Caste abuse case) मुलीच्या वडिलांनी दिलेल्या फिर्यादीवरून ॲट्रॉसिटीसह विविध कलमान्वये वरील २ आरोपीविरुद्ध पोलिसांनी गुन्हा दाखल केला असुन घटनेचा तपास उपविभागीय पोलीस अधिकारी प्रदीप पाडवी हे करीत आहेत.