औसा तालुक्यातील खरोसा येथील घटना
लातूर (Female Suicide Case) : कौटुंबिक कलहातून वैतागलेल्या 25 वर्षीय विवाहितेने आपल्या दोन चिमुकल्यांसह विहिरीत उडी घेऊन आत्महत्या केली. रविवारी मध्यरात्रीच्या सुमारास औसा तालुक्यातील खरोसा येथे ही घटना घडली. कौटुंबिक वादातून होत असलेल्या जाचाला कंटाळून एका विवाहितेने आपल्या दोन निष्पाप चिमुकल्यांना सोबत घेत थेट मृत्यूला कवटाळल्याची थरारक आणि हृदय पिळवटून टाकणारी घटना घडली.
निकिता अमरदीप भूरे (वय 25) या महिलेने आपल्या शिवानी (वय 5) आणि शिवांश (वय 3) या दोन लहान मुलांसह गावाजवळील विहिरीत रविवारी मध्यरात्रीनंतर उडी घेत आत्महत्या केली. सोमवारी दुपारी दीड वाजेच्या सुमारास ही घटना उघडकीस आल्यानंतर या (Female Suicide Case) घटनेने संपूर्ण परिसरात एकच खळबळ उडाली असून गाव शोकसागरात बुडाले आहे. प्राथमिक माहितीनुसार, कौटुंबिक वादाच्या जाळ्यात अडकलेल्या निकिताने टोकाचा निर्णय घेतला, आणि दोन निरागस जीवही या दुर्दैवी घटनेत ओढले गेले. घराच्या शेजारील विहिरीत हा प्रकार घडल्याने नातेवाईक आणि शेजाऱ्यांना मोठा धक्का बसला आहे.
घटनेची माहिती मिळताच किल्लारी पोलिसांनी तातडीने घटनास्थळी धाव घेतली. स्थानिकांच्या मदतीने तिघांचे मृतदेह विहिरीतून बाहेर काढण्यात आले. मनोज भरत भूरे यांच्या फिर्यादीवरून आकस्मिक मृत्यूची नोंद करण्यात आली असून तपास सुरू आहे. मृतदेहांचे लामजना येथे शवविच्छेदन करून मृतदेह नातेवाईकांच्या ताब्यात देण्यात आले. या घटनेमुळे खरोसा परिसरात शोककळा पसरली असून सर्वत्र हळहळ व्यक्त केली जात आहे.
पोलिसांनी केलास स्थळ पंचनामा...
या (Female Suicide Case) घटनेची माहिती मिळताच पोलिसांनी तात्काळ घटनास्थळी धाव घेत स्पॉट पंचनामा केला. त्यानंतर स्थानिकांच्या मदतीने विहिरीतून तिन्ही मृतदेह बाहेर काढण्यात आले. पुढील तपासासाठी मृतदेहांना लांबजना येथील प्राथमिक आरोग्य केंद्रात नेण्यात आले, जिथे आई व दोन लहान चिमुकल्यांचे पोस्टमार्टम करण्यात आले. पोस्टमार्टमनंतर मृतदेह नातेवाईकांच्या ताब्यात देण्यात आले आहेत. सध्या किल्लारी पोलीस ठाण्यात या प्रकरणी अकस्मात मृत्यूची नोंद करण्यात आली असून, अंत्यविधीनंतर नातेवाईकांकडून अधिकृत तक्रारीबाबत कळवू असे सांगितले.
-डॉ. विशाल शहाणे, पोलीस अधिकारी, किल्लारी
