एकाच महिण्यातील तिसरी घटना
केंद्रा बुद्रुक/ सेनगाव (Batwadi wild boar attack) : सेनगाव तालुक्यातील बटवाडी येथे रानडुकराने हौदास घातला असून रान डुकराने आत्तापर्यंत तीन व्यक्तीवर जीवघेणा हल्ला करून जखमी केले आहे यामध्ये माजी सरपंच लिंबाजी मोरे यांच्यावर पंधरा दिवसांपूर्वी रानडुकराने त्यांच्या मांडीला चावा घेतला होता तर त्यानंतर आठ दिवसापुर्वीच नामदेव झाडे यांच्यावर देखील पोटावर रानडुकराने गंभीर दुखापत केली होती आणि आता दिनांक 28 मे रोजी सायंकाळी पाच वाजेच्या सुमारास सारूबाई सावजी झाडे ह्या शेताकडे गेल्या असता अचानक रान डुक्कर पाटामधून वर येऊन या महिलेच्या हाताला चावा घेतला हा चावा इतका जबर होता की उपचारा दरम्यान कोपरापासून पूर्णतः हात तोडून काढावा लागला सध्या त्यांच्यावर नांदेड येथे उपचार सुरू असून उजव्या हाताला चावा घेतल्याने महिलेवर मोठे संकट कोसळले आहे भटवाडी येथील सरपंच नामदेव झाडे यांच्या त्या आई होत.
या (Batwadi wild boar attack) रानडुकराने अनेकांना सळो की पळो करून सोडले असून या रानडुकराचा बंदोबस्त करण्याची मागणी ग्रामस्थ मधून जोर धरू लागली आहे तसेच सध्या शेतीची कामे जोरात असून शेतामध्ये जाणे देखील अवघड झाले असल्याने शेतकरी शेतामध्ये घाबरत घाबरत जात आहेत.एकंदर बटवाडी येथील एका महिन्यातील ही तिसरी घटना असून रानडुकराने आत्तापर्यंत तिघांना गंभीर जखमी केले आहे तेव्हा संबंधित विभागाने याची दखल घेऊन रानडुकराचा बंदोबस्त करण्याची मागणी ग्रामस्थ व शेतकऱ्यांमधून होत आहे.
