ठाकूरवाडी-मंकी हिलदरम्यान सुरू असलेल्या दुरुस्तीमुळे मुंबई-पुणे मार्गावर परिणाम; मुसळधार पावसामुळे प्रवाशांना प्रवासापूर्वी रेल्वेची स्थिती तपासण्याचे आवाहन
मुंबई आणि पुणे दरम्यान सुरू असलेल्या मुसळधार पावसामुळे रेल्वे वाहतुकीवर मोठा परिणाम झाला आहे. कर्जत-लोणावळा घाट विभागातील ठाकूरवाडी आणि मंकी हिल स्थानकांदरम्यान दरड कोसळल्याने मुंबई-पुणे रेल्वे मार्गावरील वाहतूक बाधित झाली असून, परिस्थिती लक्षात घेऊन मध्य रेल्वेने अनेक महत्त्वाच्या गाड्या रद्द करण्यासह काही गाड्यांचे मार्ग बदलण्याचा निर्णय घेतला आहे. याबाबतची माहिती मध्य रेल्वेने अधिकृत एक्स (X) पोस्टद्वारे जाहीर केली आहे.
Landslide at South East Ghat.
— Central Railway (@Central_Railway) July 6, 2026
Due to incessant heavy rainfall in the South East Ghat section between Karjat and Lonavala, a landslide has occurred between Thakurvadi (TKW) and Monkey Hill Loop Cabin (MHLC) on the Up Main Line (UPML) of Mumbai Division.
Consequently, the… pic.twitter.com/SLwa5DfIqU
मध्य रेल्वेच्या माहितीनुसार, घाट परिसरात सतत सुरू असलेल्या अतिवृष्टीमुळे दरड हटविणे आणि रेल्वे मार्ग पूर्ववत करण्याचे काम वेगाने सुरू आहे. मात्र, अखंड कोसळणाऱ्या पावसामुळे दुरुस्ती मोहिमेत अडथळे निर्माण होत असल्याने रेल्वे सेवा सुरळीत करण्यासाठी अधिक वेळ लागू शकतो. त्यामुळे प्रवाशांनी प्रवासापूर्वी संबंधित गाडीची अद्ययावत माहिती तपासूनच नियोजन करावे, असे आवाहन रेल्वे प्रशासनाने केले आहे.
रद्द करण्यात आलेल्या गाड्या:
- २२१०५ – छत्रपती शिवाजी महाराज टर्मिनस (CSMT) – पुणे इंद्रायणी एक्स्प्रेस
- १२१६९ – पुणे – सोलापूर इंटरसिटी एक्स्प्रेस
- १२१७० – सोलापूर – पुणे इंटरसिटी एक्स्प्रेस
- २२१०६ – पुणे – CSMT इंद्रायणी एक्स्प्रेस
- १२१२७ – CSMT – पुणे इंटरसिटी एक्स्प्रेस
- १२१२८ – पुणे – CSMT इंटरसिटी एक्स्प्रेस
- ११००७ – CSMT – पुणे डेक्कन एक्स्प्रेस
- ११००८ – पुणे – CSMT डेक्कन एक्स्प्रेस
- १२१२४ – पुणे – CSMT डेक्कन क्वीन
- १२१२३ – CSMT – पुणे डेक्कन क्वीन
- १२१२६ – पुणे – CSMT प्रगती एक्स्प्रेस
- १२१२५ – CSMT – पुणे प्रगती एक्स्प्रेस
- ११०१० – पुणे – CSMT सिंहगड एक्स्प्रेस
- ११००९ – CSMT – पुणे सिंहगड एक्स्प्रेस
- ११०११ – CSMT – धुळे धुळे एक्स्प्रेस
- ११०१२ – धुळे – CSMT धुळे एक्स्प्रेस
दरम्यान, सोमवारी पहाटेपासून मुंबईतील अनेक भागांत जोरदार पाऊस सुरू असून मध्य उपनगर, पश्चिम उपनगर तसेच दक्षिण मुंबईतील अनेक सखल भागांमध्ये पाणी साचल्याने नागरिकांना अडचणींचा सामना करावा लागत आहे. काही प्रमुख मार्गांवरील वाहतुकीचा वेगही मंदावला आहे.
#Landslides hit the #Karjat–#Lonavala Ghat section.
— Jiten Ahuja 🇮🇳 🕊️ 🚩 (@AhujaJiten) July 6, 2026
Train services likely to be disrupted.#CentralRailway #MumbaiRains #RailwayAlert #Landslide #Rain #Rains #MumbaiRain 🌧️☔ https://t.co/DNBv1K9Wvs pic.twitter.com/mmvxHB9Y1f
हवामान विभागाने मुंबईसाठी अतिवृष्टीचा इशारा कायम ठेवत नागरिकांना अत्यावश्यक कामाशिवाय घराबाहेर पडणे टाळण्याचा सल्ला दिला आहे. दुसरीकडे, पुणे शहर आणि जिल्ह्यातही पावसाचा जोर कायम असून विशेषतः लोणावळा आणि घाट परिसरात सुरू असलेल्या मुसळधार पावसामुळे रस्ते आणि रेल्वे वाहतुकीवर परिणाम झाला आहे. मुंबई-पुणे मार्गावर प्रवास करणाऱ्या हजारो प्रवाशांना या परिस्थितीचा फटका बसला असून अनेकांना पर्यायी प्रवास व्यवस्था करावी लागत आहे.
