सहसचिव अजित देशमुख यांच्या स्वाक्षरीचे पत्र कामात येणार सुसूत्रता
परभणी (Charthana Tehsil Office) : महसुली कामात होणारी दिरंगाई टाळण्यासाठी तसेच कामात सुसूत्रता आणण्यासाठी नविन अप्पर तहसिलदार कार्यालय निर्मितीस मंजूरी देण्यात आली आहे. परभणी जिल्ह्यात परभणी शहर आणि चारठाणा हे दोन नविन अप्पर तहसिल कार्यालये निर्माण होणार आहे. याबाबत शासनाचे सहसचिव अजित देशमुख यांच्या स्वाक्षरीने पत्र काढण्यात आले आहे.
महसुली कामातील दिरंगाई टाळण्यासाठी तसेच कामात सुसूत्रता आणण्याकरीता अप्पर तहसिलदार हे पद निर्मिती करून अप्पर तहसिल कार्यालय तयार करण्यात आले आहे. परभणी शहर तसेच जिंतूर तालुक्यातील चारठाणा येथे नविन कार्यालय (Charthana Tehsil Office) होणार आहे. परभणी शहर अप्पर तहसिलदार कार्यालयात परभणी शहर आणि परभणी ग्रामीण महसुल मंडळे आहेत. तर परभणी तहसिलदार कार्यालयाच्या कार्यक्षेत्रात झरी, पेडगाव, सिंगणापूर, दैठणा, पिंगळी, जांब, टाकळी कुंभकर्ण हे महसुल मंडळे आहेत. चारठाणा येथील अप्पर तहसिलदार कार्यालयाच्या कार्यक्षेत्रात चारठाणा, वाघी धा., बाम्हणी हे महसुल मंडळे असणार आहेत.
तहसिलदार कार्यालयाच्या (Charthana Tehsil Office) कार्यक्षेत्रात जिंतूर, आडगाव, बोरी, दुधगाव, सावंगी म्हा. ही महसुल मंडळे असतील. महसुली कामकाज करत असतांना येणार्‍या अडचणी दुर करण्यासाठी नविन कार्यालय, त्यांचे कार्यक्षेत्र निश्चित करण्यासाठी प्रस्ताव मागविण्यात आले होते. महसुल मंत्र्यांनी दिलेल्या निर्देशानूसार नविन कार्यालय निर्मिती करण्यात आली आहेत. प्रस्तावित कार्यालयांबाबत कार्यवाही करणार्‍या संबंधित अधिकार्‍यांनी पंधरा दिवसांची जाहीर सुचना प्रसिध्दी करून हरकती व सुचना मागवाव्यात. १ जूलैपर्यंत अभिप्राय विभागीय आयुक्तांमार्फत शासनाला सादर करावे, असे आदेश दिले आहे.
बोरीचा प्रस्ताव प्रलंबित
जिंतूर तालुक्यातील बोरी येथे तहसिल कार्यालय निर्मिती करावी, अशी मागणी होत आहे. याबाबत प्रस्ताव शासनाकडे पाठविण्यात आला होता. मात्र सदर प्रस्तावाला मंजूरी मिळाली नाही. त्यामुळे हा प्रस्ताव प्रलंबित आहे. बोरी वासीयांना आणखी काही काळ तहसिल कार्यालयासाठी वाट पाहावी लागणार आहे.
