परभणी-गंगाखेड रोडवर ब्राम्हणगाव शिवारात अपघात
परभणी (Parbhani Accidental Death) : गंगाखेड ते परभणी रोडवरील ब्राम्हणगाव शिवारात रस्त्यातील दुभाजकाला धडकून गंभीर जखमी झालेल्या दुचाकीस्वाराचा मृत्यू झाला. अपघाताची ही घटना सोमवार २७ जुलै रोजी सायंकाळी सातच्या सुमारास घडली. या प्रकरणी परभणी ग्रामीण पोलिसात गुन्हा दाखल करण्यात आला आहे.
पंढरीनाथ लहाणे यांनी फिर्याद दिली आहे. परिक्षित लहाणे वय ३८ वर्ष, असे मयताचे नाव आहे. फिर्यादी यांचा मुलगा परिक्षित हा २७ जुलैच्या सायंकाळी त्याच्या ताब्यातील दुचाकी एम.एच. ०६ सी.जी. ३२४५ या वाहनाने घरी परभणीकडे येत होता. ब्राम्हणगाव शिवारात त्याचा दुचाकीवरील ताबा सुटला. सदर दुचाकी रस्त्यातील दुभाजकाला धडकली. यात परिक्षितच्या डोक्याला गंभीर दुखापत होऊन त्याचा मृत्यू झाला. स्वत:च्या अपघाती मृत्युस कारणीभूत ठरल्या प्रकरणी परभणी ग्रामीण पोलिसात गुन्ह्याची नोंद करण्यात आली आहे. घटनास्थळाला महामार्ग पोलीस, ग्रामीण पोलीस ठाण्याचे पोनि. सुरेश थोरात, पोलीस पाटील विकास सोनवणे आदींनी भेट दिली.
