तुझे आंघोळ करतानाचे फोटो आहे, म्हणत महिलेचा छळ

विवाहितेने आरडाओरडा केल्याने आरोपीचे पलायन

आखाडा बाळापूर (Married Women Harassment) :  येथील पोलिस स्थानक हद्दीतील एका गावातील विवाहित महिलेला तुझे आंघोळ करताना उघडे फोटो माझ्या मोबाईल मध्ये आहे तु माझ्यासोबत शारीरिक संबंध ठेव म्हणून झटापट सुरू केली यामुळे घाबरून विवाहितेने आरडाओरडा केला यामुळे आरोपी घटनास्थळावरून पळून गेला याबाबत सदर आरोपी विरुद्ध आखाडा बाळापूर पोलिस स्थानकात गुन्हा दाखल करण्यात आला आहे.मंगळवारी आरोपीस पोलिसांनी ताब्यात घेतले आहे असं सांगण्यात आलं.

याबाबत मिळालेल्या माहितीनुसार २७ जुलै रोजी दुपारी बाळापूर पोलिस स्थानक हद्दीतील एका गावात २१ वर्षीय विवाहिताघरी एकटी असल्याचे पाहुन तुझे अंघोळ करतानाचे उघडे फोटो माझे मोबाईल मध्ये आहेत तु माझे सोबत शरीरसंबंध ठेव नाहीतर मी तुझे फोटो व्हायरल करीन अशी धमकी देवुन वाईट उद्देशाने महिलेचा उजवा हात धरुन तिच्या सोबत झटापट करीत असताना घाबरून महिलेने जोरात ओरडल्याने आजुबाजुचे शेजारी येतील या भितीने आरोपी घरातुन निघुन जात असताना तु जर याबद्दल कोणाला काही सांगितले तर तुझे पतीला जीवे मारुन टाकीन अशी जीवे मारण्याची धमकी दिली म्हणुन गुन्हा.याबाबत २ऑगस्ट रोजी उशिरा आरोपी विरुद्ध आखाडा बाळापूर पोलिस स्थानकात गुन्हा दाखल करण्यात आला. (Married Women Harassment) घटनास्थळी पोलिस निरीक्षक शरद मरे, सहाय्यक पोलीस निरीक्षक ज्ञानेश्वर बसवंते, पोलिस उपनिरीक्षक सुनील रोहीणकर, बिट प्रमुख सुनील रिठे यांनी भेट दिली.

आरोपी घटनास्थळावरून पसार झाला होता पोलिस निरीक्षक शरद मरे मार्गदर्शनाखाली पोलिस उपनिरीक्षक सुनील रोहीणकर, बिट प्रमुख सुनील रिठे, पिराजी बेले यांनी आरोपी माग काढून आज त्यास ताब्यात घेऊन न्यायालयात हजर केले आहे असं पोलिस उपनिरीक्षक सुनील रोहीणकर यांनी सायंकाळी सांगितले.