इंधन दरवाढ विरोधात आयटीआय कॉर्नर ते पेट्रोल पंप परिसरात काँग्रेसचे जोरदार निषेध आंदोलन

नवनिर्वाचित अध्यक्षांच्या नेतृत्वाने कार्यकर्तांमध्ये नवचैतन्य

नांदेड (Fuel Price Hike Andolan) : मागील पंधरा दिवसात पेट्रोल डिजेलच्या किंमत मध्ये जवळपास आठ ते दहा रुपयांची दरवाढ झाली असून इंधन टंचाई देखील मोठ्या प्रमाणात निर्माण झाल्याच्या निषेधार्थ काँग्रेस जिल्हाध्यक्ष डॉ. विठ्ठल पावडे व महानगराध्यक्ष अब्दुल गफार यांच्या नेतृत्वात शहर व जिल्हा काँग्रेस कमिटीच्या वतीने शहरातील महात्मा फुले व सावित्रीबाई फुले स्मारक आयटीआय ते नजिकच्या पेट्रोल पंप परिसरात शुक्रवार (ता. २९) रोजी जोरदार निषेध आंदोलन करण्यात आले. नवनिर्वाचित जिल्हाध्यक्ष व महानगराध्यक्ष यांच्या नेतृत्वातील पहिल्याच आंदोलनात कार्यकर्त्यांमध्ये मोठे नवचैतन्य दिसून आले.

पेट्रोल डिजेल दरवाढीच्या निषेधार्थ प्रारंभी आयटीआय चौकात केंद्र सरकारचा निषेध करत जोरदार घोषणाबाजी (Fuel Price Hike Andolan) करण्यात आली. दरम्यान महिलांनी चुलीवर भाकरी थापून गॅस टंचाई विरोधात रस्त्यावर प्रतिकात्मक आंदोलन केले. बैलगाडीवर दुचाकी ठेवून नजिकच्या पेट्रोल पंपावर इंधन भरण्यासाठी जाऊन आंदोलन केले यादरम्यान पंपावर मेलीडी चॉकलेट वाटप करण्यात आले. यावेळी जिल्हाध्यक्ष डॉ. विठ्ठल पावडे, महानगराध्यक्ष अब्दुल गफार, माजी आ. इश्वरराव भोसिकर,  सुरेशदादा गायकवाड, सुरेंद्र घोडसकर, एकनाथ मोरे, डॉ. रेखाताई चव्हाण, तिरुपती कोंडेकर, बालाजी गाढे, मुन्ना अब्बास, भगवान मनुरकर, श्रीनिवास मोरे, शिवाजी पाटील पाचपिंपलीकर, सत्यपाल सावंत, सुरेश हटकर, आनंद कल्याणकर, चांदोजी सूर्यवंशी, अनिल कदम,  कुमार कुर्तडीकर, गणेश ढगे, अतुल पेदेवाड, शंकर शिंदे, जसपालसिंग तबेलेवाले, सरदार बीटूसिंग, रामराम पाटील, संजय वाघमारे, बापूसाहेब पाटील, मधुकर सोनटक्के, मुकेश पटणे,  तोलबाजी जानकवाडे, सुरज पाटील शिंदे, दीपकसिंग हुजुरीया, गगन यादव, आंबादास रातोळे, निरंजन पावडे, रियाज शेख, विजय सोंडारे, सत्यजित बिराजदार, विलास पावडे, नसीम पठाण, ललिता कुंभार, ज्योती कदम, सुरेखा वैद्य, शितल जोंधळे, सोनु पाटील, शामराव मनाठकर, मुरलीधर कल्याणकर, गंगाधर आडेराव, कलीम शेख, नईम शेख, रिजवान पटेल, गौतम शिरसाट, नागराज सुलगेकर, रमेश चित्ते, शिवसंभो स्वामी, ज्ञानेश्वर राजेगोरे, मधुकर दिघे, माणिक चव्हाण,  गोविंद पाटील, प्रकाश दिपके, एस पी कुंभारे, गणेश कोकाटे, विष्णू पावडे, नईम शेख, अझर शेख, सचिन कानोडे, धनंजय उमरीकर, सय्यद वासे, अझर शेख आदीसह इतर पदाधिकारी कार्यकर्ते मोठ्या संख्येने उपस्थित होते.

गेल्या बारा वर्षात केंद्र सरकारने पेट्रोलियम उत्पादनांवरील कर व उत्पादन शुल्काच्या माध्यमातून जनतेच्या खिशातून ४३ लाख कोटी रुपयांचा नफा कमावला आहे. ही नफेखोरी जनतेच्या खिशावर दरोडा टाकून केली आहे. त्यामुळे आता कर व उत्पादन शुल्क कमी करुन दरवाढ आटोक्यात आणावी अशी मागणी उत्तर जिल्हाध्यक्ष विठ्ठल पावडे व महानगराध्यक्ष अब्दुल गफार यांनी केली.