हिंगोली (women Molestation Case) : शहराजवळील बळसोंड ग्रामपंचायत हद्दिमध्ये एका महिलेच्या घरावर दगड फेकून मारल्याने खिडकीच्या काचा फुटल्या असता महिलेने याबाबतचा जाब विचारल्याने महिलेचा विनयभंग केल्याने हिंगोली ग्रामीण पोलिसात गुरूवारी रात्रीच्या सुमारास एका आरोपी विरूध्द गुन्हा दाखल करण्यात आला आहे.
याबाबत पोलिस सुत्रांनी दिलेली माहिती अशी की, हिंगोली शहराजवळील ग्रामपंचायत हद्दिमधील एका भागात सुनिल विष्णु काळे याने एका महिलेच्या घरावर दगड फेकून मारल्याने घराच्या खिडकीच्या काचा फुटल्या होत्या. त्यामुळे महिलेच्या पित्याने सुनिल काळे यांना १६ जुलै रोजी जाब विचारला असता त्यांच्या घरामध्ये आरोपीने जाऊन महिलेचा विनयभंग केला. याचवेळी महिलेच्या पित्याने काळे यांच्या तावडीतून तिला सोडविले. याचवेळी काळे याने तु जर माझ्या विरूध्द पोलिसात तक्रार केली तर तुम्हाला खतम करून टाकतो, अशी जीवे मारण्याची धमकी दिली.
या प्रकरणी हिंगोली ग्रामीण पोलिसात सायंकाळच्या सुमारास महिलेने दिलेल्या फिर्यादीवरून सुनिल विष्णू काळे याच्या विरूध्द विनयभंगासह इतर कलमान्वये गुन्हा दाखल करण्यात आला. या प्रकरणाचा पुढील तपास पोलिस निरीक्षक विष्णुकांत गुठ्ठे यांच्या मार्गदर्शनाखाली बाळासाहेब खोडवे हे करीत आहेत.
