नगरसेवक नाना नायक यांच्या प्रयत्नाला मिळाले यश
हिंगोली (Hingoli Water Supply) : शहरातील प्रभाग क्रमांक तीनमधील नागरिकांना अनेक वर्षांपासून भेडसावणारा पिण्याच्या पाण्याचा गंभीर प्रश्न अखेर सुटला आहे. नगरसेवक नाना नायक यांच्या विशेष प्रयत्नांमुळे पाठपुराव्यामुळे या भागात नवीन पाईपलाईन टाकण्याचे काम पूर्ण झाले आहे. रणवीर यांच्या घरापासून सूर्यवंशी यांच्या घरापर्यंत संपूर्ण नवीन पाईपलाईन टाकण्यात आली आहे. याशिवाय कल्याणकर व सरकटे यांच्या घराकडे जाणारी जुनी, जीर्ण झालेली पाईपलाईन काढून त्या ठिकाणीही नवीन पाईपलाईन बसवण्यात आली आहे. या कामामुळे वार्डातील आणि
पाणीपुरवठा (Hingoli Water Supply) सुरळीत होणार असून नागरिकांना मोठा दिलासा मिळाला आहे. सचिन डहाळे, ढोणे ताई, रणवीर, कल्याणकर, सूर्यवंशी, श्रीखंडे आणि सरकटे यांची ही फार जुनी मागणी होती. नागरिकांच्या या मागणीची दखल घेत नगरसेवक नाना नायक यांनी नगरपालिकेकडे सातत्याने पाठपुरावा केला. अखेर त्यांच्या प्रयत्नांना यश आले असून नगरपालिकेने ही मागणी मान्य करून तातडीने काम पूर्ण केले. या कामामुळे वार्ड क्रमांक तीनमधील नागरिकांनी समाधान व्यक्त केले.
