जिल्ह्यात अवैध धंदे खपवून घेतले जाणार नाही: पोलिस अधिक्षक डॉ. लोढा

नूतन पोलीस अधीक्षकांच्या उपस्थितीत पहिली मॅरेथॉन गुन्हे आढावा बैठक

हिंगोली (SP Dr. Lodha) : जिल्हा पोलिस अधिक्षक डॉ. श्रेणिक लोढा यांच्या उपस्थितीत गुरूवारी पहिली गुन्हे आढावा मॅरेथॉन बैठक पार पडली. बैठकीमध्ये जिल्ह्यामध्ये कुठेही अवैध धंदे खपवून घेतले जाणार नाहीत. ज्या ठिकाणी अवैध धंदे आढळून आल्यास त्यावर पुढील बैठकीत निर्णय घेतला जाईल असा इशारा पोलिस अधिक्षक डॉ. लोढा यांनी दिला.

१३ ऑगस्ट गुरूवार रोजी जिल्ह्यातील १३ ही पोलिस ठाण्यासह विविध शाखेतील पोलिस अधिकार्‍यांची गुन्हे आढावा बैठक जिल्हा पोलिस अधिक्षक डॉ. श्रेणिक लोढा (SP Dr. Lodha) यांनी घेतली. ही मॅरेथॉन बैठक जवळपास सायंकाळी ५.३० पर्यंत चालली. बैठकीमध्ये त्यांनी जिल्ह्यातील गुन्ह्यांचा आढावा घेऊन प्रलंबित गुन्ह्यांचा निपटारा तात्काळ करण्याच्या सूचना दिल्या. सध्या श्रावणमास प्रारंभ झाला आहे. त्या निमित्ताने सर्व पोलिस ठाणे हद्दिमध्ये चोख बंदोबस्त ठेवण्याच्या सूचना त्यांनी दिल्या.

जिल्ह्यामध्ये कुठेही अवैध धंदे चालता कामा नये, ज्या ठिकाणी अवैध धंदे आढळून आल्यास त्यावर पुढील बैठकीत निर्णय घेतला जाईल. सर्वांनी आपआपल्या कामामध्ये सुधारणा घडवून आणण्याच्या सूचना दिल्या. या बैठकीत अप्पर पोलिस अधिक्षक कमलेश मीना यांच्यासह गृह पोलिस उपाधिक्षक हरीष गवळी वसमत उपविभागीय पोलिस अधिकारी राजकुमार केंद्रे, हिंगोली शहर उपविभागीय अधिकारी नारायण देशमुख, हिंगोली ग्रामीण उपविभागीय अधिकारी सतिष वाघ यांच्यासह विविध शाखेचे आणि पोलिस ठाण्याचे अधिकारी उपस्थित होते.