आकांक्षीत जिल्हा वाशिम येथे ऑनलाइन परीक्षा केंद्र सुरू करावा!

पालकमंत्री दत्तात्रय भरणे यांच्याकडे मागणी

मानोरा (Washim Online Exam) : आकांक्षित वाशीम जिल्हा मुख्यालय ठिकाणी स्पर्धा परीक्षा देणाऱ्या ग्रामीण व शहरी भागातील विद्यार्थ्यांचीकरीता सुसज्ज ऑनलाईन परीक्षा केंद्र सुरू करण्याच्या मागणीचे निवेदन पालकमंत्री दत्तात्रय भरणे यांच्याकडे धर्मगुरु आ. बाबूसिंग राठोड महाराज यांच्यामार्फत भाजपाचे प्रदेश सहसंयोजक भक्तराज राठोड महाराज यांनी निवेदन देऊन केली आहे.
   
आकांक्षीत वाशिम जिल्ह्यातील विद्यार्थ्यांना मुंबई, पुणे, नागपूर, अमरावती सारख्या दूरच्या शहरांमध्ये स्पर्धा परीक्षेच्या तयारीकरिता जावे लागते.  जिल्हयात सद्यस्थितीमध्ये सरळसेवा, बॅकिंग एमपीएससी,  रेल्वे, पोलीस भरती इत्यादी स्पर्धा परीक्षांची तयारी करणाऱ्या विद्यार्थ्यांची संख्या लक्षणीय आहे. परंतु जिल्हयात ऑनलाईन केंद्र नसल्याने गरीब व होतकरू विद्यार्थ्यांना परीक्षेच्या काळात लांब जावे लागते, यामुळे आर्थिक भुर्दंड सहन करावा लागतो. याचा परिणाम थेट विद्यार्थ्यांच्या मानसिकतेवर होतो. ​व विशेष करून महिला विद्यार्थिनी, गरोदर व स्तनदा माता आणि दिव्यांग यांच्यावर दूरचा परिणाम होतो.

अनेक वेळा आर्थिक व कौटुंबिक अडचणींमुळे हुशार विद्यार्थी परीक्षेला बसण्यापासून वंचित राहण्याची शक्यता निर्माण होते.  विद्यार्थ्यांकरीता ही मोठी अडचण लक्षात घेता वाशीम येथील 'सरदार वल्लभभाई पटेल बहुउद्देशीय ग्रामीण व शहरी विकास संस्था' यांनी   परिक्षेकरीता घेतला आहे. त्यासाठी आपण यासंदर्भात मान्यता द्यावी अशी विनंती पालकमंत्र्यांकडे केली आहे.