Waranga Phata Bus Station: वारंगा फाट्यातील बस स्थानकाला पाणी आल्याने परिसरात चिखलमय असून पावसाळ्याच्या वेळी रस्त्यावर जाणारे खाजगी वाहने येथून टळत आहेत.
प्रवासी वळले खाजगी वाहतूकीकडे
वारंगा फाटा (Waranga Phata Bus Station) : येथील बस स्थानकाला तळ्याचे स्वरुप आल्याने परिसर चिखलमय झाला आहे. याचा प्रवाशांना त्रास सहन करावा लागत असुन चिखलातून मार्ग काढण्या पेक्षा खाजगी प्रवासी वाहतूक करणाऱ्या वाहनांना प्राधान्य देत असल्याचे चित्र आहे.
वारंगा फाटा येथील राष्ट्रीय महामार्ग क्रमांक 361 व 161 आशा महामार्ग जोडणारे ञि रस्ता संगम आहे. येथून पुणे पंढरपूर, नागपूर, अकोला, सोलापूर ,कोल्हापूर, हैदराबाद गोंदिया, गडचिरोली, अमरावती आशा लांब पल्ल्याच्या बस धावतात. वारंगा फाटा येथे महामंडळाने बांधलेले प्रशस्त बस स्थानक आहे. येथे प्रवाशांची नेहमीच गर्दी असते हे बस स्थानक राष्ट्रीय महामार्गापेक्षा खोलगट जागेत आहे. त्यामुळे पावसाळा आला की. या बस स्थानकात एक दीड फूट पाण्यातून व चिखलातून मार्ग काढावा लागत आहे.
पाण्यातून व चिखलातून जाण्यापेक्षा राष्ट्रीय महामार्गावरून वाहतूक करणाऱ्या खासगी ट्रॅव्हल्स काळी पिवळी, ऑटो व इतर प्रवासी वाहनाने प्रवास करणे पसंत करीत आहेत. त्यामुळे परिवहन महामंडळाचे नुकसान होत आहे. याची वरिष्ठाने दखल घेऊन या बस स्थानकात भर घालून पाण्याची विल्हेवाट लावावी. लोकप्रतिनिधी स्थानिक प्रतिनिधी यांनी लक्ष घालून वरिष्ठ अधिकाऱ्यांना सूचना देऊन प्रवाशांचे हाल थांबवावे अशी मागणी प्रवाशांकडून केली जात आहे.