नदीतील खड्ड्यात पडुन युवतीचा दुर्दैवी मृत्यू

वसमत तालुक्यातील सोन्ना येथील घटना

हट्टा (Young Girl Death) : वसमत तालुक्यातील सोन्ना येथील नदीमध्ये कपडे धूण्याकरीता आलेल्या युवतीचाd रेती उपसा केलेल्या खड्ड्यामध्ये पडून मृत्यू झाल्याची घटना बुधवारी घडली.  याबाबत मिळालेली माहिती अशी की, वसमत तालुक्यातील  सोन्ना येथील युवती २७ मे बुधवार रोजी सकाळच्या सुमारास अस्मिता गजानन जाधव (१७) ही नदीमध्ये कपडे धुण्याकरीता आली होती.  यावेळी तिच्यासोबत अन्य काही महिला देखील होत्या. या प्रसंगी अस्मिता ही नदीच्या पात्रात कपडे धुण्याच्या नादामध्ये तिला पाण्याचा अंदाज लागला नाही.

रेती उपसा केलेल्या खड्ड्यात पडल्याने तिचा मृत्यू झाला. ही (Young Girl Death) दुर्देवी वार्ता गावामध्ये कळताच अनेकांनी नदीकडे धाव घेतली. त्यानंतर तिला तात्काळ नदी पात्रातून हट्टा प्राथमिक आरोग्य केंद्रामध्ये आणले असता डॉक्टरांनी तपासुन तिला मृत घोषित केले. मयत अस्मिता जाधव हिच्या मृतदेहाचे शवविच्छेदन डॉ. शमशोद्दिन सिद्दिक यांनी करून मृतदेह नातेवाईकांच्या स्वाधीन करण्यात आला. या घटनेमुहे हळहळ व्यक्त होत आहे.

मामाच्या गावी शिकत होती युवती

अस्मिता जाधव ही वसमत तालुक्यातील कोनाथा येथे मामाच्या गावी शिकण्याकरीता राहत होती. दहावीची परीक्षा झाल्यानंतर ती नुकतीच उत्तीर्ण झाली होती. त्यामुळे उन्हाळी सुट्यात आपल्या गावी आली होती. याच दरम्यान नदीच्या पात्रात बुडून तिचा दुर्दैवी मृत्यू (Young Girl Death) झाल्याने सोन्ना व कोनाथा येथे हळहळ व्यक्त होत आहे.