दिल्लीच्या जंतर-मंतरवर कुरखेडा तालुक्यातील युवकांचा सहभाग

विद्यार्थ्यांच्या न्याय्य हक्कांसाठी पोहचला दुर्गम भागातील बुलंद आवाज

कुरखेडा (NEET paper leak case) : दिल्ली येथील जंतर-मंतरवर विद्यार्थ्यांच्या पेपर फुटी व विविध मागण्यांसाठी सुरू असलेल्या सोनम वांगचुंग (sonam wangchung) समर्थन आंदोलनात गडचिरोली जिल्ह्यातील अती दुर्गम कुरखेडा तालुक्यातील प्रतीक साखरे आणि प्रीतम वालदे यांनी सहभाग नोंदवित विद्यार्थ्यांच्या न्याय्य हक्कांसाठी आणि शिक्षणाशी संबंधित प्रलंबित प्रश्न सोडविण्याच्या मागणीसाठी ते आंदोलनस्थळी उपस्थित राहिले.

देशाच्या कानाकोपऱ्यातून मोठ्या संख्येने विद्यार्थी आणि युवक या (NEET paper leak case) आंदोलनात सहभागी झाले असून, जंतर-मंतर परिसर घोषणांनी दणाणून गेला. कुरखेडा तालुक्यातील (kurkheda Taluka) या दोन युवकांच्या सहभागामुळे स्थानिक पातळीवरही या आंदोलनाची चर्चा सुरू झाली आहे. प्रतीक साखरे आणि प्रीतम वालदे यांनी विद्यार्थ्यांच्या प्रश्नांवर केंद्र व संबंधित यंत्रणांनी सकारात्मक भूमिका घेऊन लवकर निर्णय घ्यावा, अशी अपेक्षा व्यक्त केली. त्यांनी शांततापूर्ण आणि लोकशाही मार्गाने आंदोलनात सहभाग घेत विद्यार्थ्यांच्या मागण्यांनाsupport to students)पाठिंबा दिला.