Revenue Department Employees Protest: पाथरी येथील पोलिस निरीक्षकांची जिल्हाधिकाऱ्यांच्या आदेशानंतरही बदली करण्यात आलेली नसल्याच्या निषेधार्थ महसूल विभागातील अधिकारी व कर्मचारी आंदोलन
जिल्हाधिकाऱ्यांच्या आदेशाची अंमलबजावणी न झाल्याचा आरोप
तहसील कार्यालयातील अधिकारी, कर्मचारी व तलाठी आंदोलनात सहभागी..!
परभणी (Revenue Department Employees Protest) : पाथरी येथील पोलिस निरीक्षकांची जिल्हाधिकाऱ्यांच्या आदेशानंतरही बदली करण्यात आलेली नसल्याच्या निषेधार्थ महसूल विभागातील अधिकारी व कर्मचाऱ्यांनी मंगळवार २१ पासून बेमुदत कामबंद आंदोलन सुरू केले आहे.तहसीलदार नितीन गर्जे यांनी ९ जुलै रोजी वाळू वाहतूक करणारा हायवा पकडला होता. या प्रकरणात दोन दिवसांनी गुन्हा दाखल करण्यात आला. तसेच कारवाईदरम्यान एका महसूल कर्मचाऱ्याला वाळू माफियांनी जीवे मारण्याची धमकी दिल्याची घटना घडली होती.
या (Revenue Department Employees Protest) प्रकरणात पोलिस निरीक्षक लक्ष्मण केंद्रे यांनी नियमानुसार कार्यवाही केली नसल्याची तक्रार तहसीलदारांनी जिल्हाधिकाऱ्यांकडे केली होती. त्यानंतर जिल्हाधिकाऱ्यांनी पोलिस अधीक्षकांना पत्र देऊन पोलिस निरीक्षकांची तात्काळ बदली करण्याचे निर्देश दिल्याचे सांगितले जाते. मात्र, अद्याप या आदेशाची अंमलबजावणी न झाल्याने महसूल विभागातील अधिकारी , कर्मचारी व तलाठी यांनी सोमवारपासून बेमुदत कामबंद आंदोलन सुरू केले आहे.
पाथरी येथील पोलिस निरीक्षकांची तात्काळ बदली करावी या मागणीसाठी महसूल कर्मचाऱ्यांच्या वतीने जिल्हाधिकाऱ्यांना कामबंद आंदोलनाचे निवेदन देण्यात आले आहे. संबंधित अधिकारी तालुक्यातून कार्यमुक्त होईपर्यंत आमचे कामबंद आंदोलन सुरू राहील.
-नितीन गर्जे, तहसीलदार पाथरी