Bailgadi Radium Sticker: वळणावरील रस्त्यावर व अपघात क्षेत्र असलेल्या ठिकाणी यापूर्वीच ब्लिकर्स लाईट लावण्यात आले होते. तसेच चार चाकी वाहनाला परावर्तक रेडियम स्टिकर लावण्यात आले.
औंढा नागनाथ (Bailgadi Radium Sticker) : तालुक्यातून जाणाऱ्या महामार्गावर रस्ते सुरक्षा आणि अपघात प्रतिबंधाला प्राधान्य देत औंढा नागनाथ पोलीस ठाण्याचे पोलीस निरीक्षक शामकुमार डोंगरे यांनी अभिनव उपक्रम हाती घेतला आहे. वळणावरील रस्त्यावर व अपघात क्षेत्र असलेल्या ठिकाणी यापूर्वीच ब्लिकर्स लाईट लावण्यात आले होते. तसेच चार चाकी वाहनाला परावर्तक रेडियम स्टिकर लावण्यात आले. यानंतर आता बैलगाडीलाही परावर्तक रेडियम स्टिकर लावण्यात येत आहेत लावलेले ब्रेकर्स लाईट व रेडियम स्टिकर रात्रीच्या वेळी चमकतात व सहज दिसतात त्यामुळे अपघाताचे प्रमाण कमी होत आहे.
तालुक्यातील जिंतूर, वसमत,हिंगोली रोडवरील चिमेगाव, गोळेगाव,माथा, नागेशवाडी, पिंपळदरी फाटा, देवाळा, सिद्धेश्वर फाटा, हिवरा जाटू, रामेश्वर सह विविध ठिकाणी असलेल्या वळण रस्त्यावर तसेच अपघात क्षेत्र असलेल्या ठिकाणी इब्लिकर्स लाईट लावण्यात आले त्यानंतर आता बैलगाडीलाही परावर्तक रेडियमचे स्टिकर लावण्याचा अभिनव उपक्रम पोलीस निरीक्षक शामकुमार डोंगरे यांनी हाती घेतला असून तालुक्यातील हिवरा जाटू भागात मार्गावरून जाणाऱ्या (Bailgadi Radium Sticker) बैलगाडीला परावर्तन स्पीकर लावण्यात आले आहे यावेळी पोलीस निरीक्षक शामकुमार डोंगरे, पोलीस उपनिरीक्षक शेख खुद्दूस,जमादार रविकांत हरकळ, शाहेद सय्यद, किशोर पारीसकर,वाहतूक पोलीस वसंत चव्हाण, दिनकर पोले, अभिजीत कोळेकर यांच्यासह पोलीस कर्मचारी यांची उपस्थिती होती.