जळगाव जिल्ह्यातील मुक्ताईनगर तालुक्यात स्थानिक गुन्हे शाखेने (एलसीबी) केलेल्या धडक कारवाईत सार्वजनिक ठिकाणी अश्लील कृत्य करत असल्याच्या आरोपावरून १३ पुरुष आणि १० महिलांना अटक करण्यात आली.
मुक्ताईनगर तालुक्यातील घोडसगाव-चिखली शिवारातील हॉटेलांच्या मागील शेतांवर छापा; अटकेत १३ पुरुष, १० महिला
जळगाव : जळगाव जिल्ह्यातील मुक्ताईनगर तालुक्यात स्थानिक गुन्हे शाखेने (एलसीबी) केलेल्या धडक कारवाईत सार्वजनिक ठिकाणी अश्लील कृत्य करत असल्याच्या आरोपावरून १३ पुरुष आणि १० महिलांना अटक करण्यात आली. या कारवाईनंतर परिसरात एकच खळबळ उडाली आहे.
मिळालेल्या माहितीनुसार, घोडसगाव-चिखली शिवारातील काही हॉटेलांच्या मागील शेतांमध्ये महिला आणि पुरुषांकडून सार्वजनिक ठिकाणी अश्लील कृत्ये होत असल्याची गोपनीय माहिती जळगाव स्थानिक गुन्हे शाखेला मिळाली होती. या माहितीची पडताळणी केल्यानंतर एलसीबीच्या पथकाने संबंधित ठिकाणी छापा टाकत कारवाई केली.
या कारवाईदरम्यान पोलिसांनी १३ पुरुष आणि १० महिलांना ताब्यात घेतले. प्राथमिक माहितीनुसार, अटक करण्यात आलेल्या १० महिलांपैकी सर्व महिला राजस्थानमधील असल्याचे समोर आले आहे.
या प्रकरणाचा पुढील तपास पोलिसांकडून सुरू असून, कारवाईमुळे परिसरात मोठी चर्चा सुरू झाली आहे.