परभणीत ऊन लागल्याने २८ वर्षीय तरुणाचा मृत्यू...!

मयत तरुण लक्ष्मी नगरातील रहिवाशी नानलपेठ पोलिसात नोंद

परभणी (Heatstroke Youth Death) : ऊन लागल्याने २८ वर्षीय तरुणाचा मृत्यू झाला. ही घटना २५ मे रोजी दुपारी साडे तीनच्या सुमारास जुना पेडगाव रोडवरील लक्ष्मी नगर भागात घडली. या प्रकरणी नानलपेठ पोलिसात अकस्मात मृत्युची नोंद करण्यात आली आहे. 

बाबाराव नामदेव मगर यांनी खबर दिली आहे. डिगंबर नामदेव मगर वय २८ वर्ष, रा. लक्ष्मी नगर असे मयताचे नाव आहे. डिगंबर हा बाहेर उन्हातून फिरुन घरी येऊन झोपला. झोपेतून उठत नसल्याने त्याला परभणीतील शासकीय रुग्णालयात नेण्यात आले. या (Heatstroke Youth Death) ठिकाणी डॉक्टरांनी तपासून मयत घोषीत केले. सदर प्रकरणी नानलपेठ पोलिसात नोंद करण्यात आली असून तपास पोह. गायकवाड करत आहेत.

झाडाची फांदी डोक्यात पडली; जखमीचा मृत्यू
परभणी : वाळलेल्या झाडाची फांदी डोक्यात पडून गंभीर मार लागलेल्या एकाचा मृत्यू झाला. ही घटना परभणी तालुक्यातील जांब येथील जुन्या ग्रामपंचायतच्या बाजूला घडली. चैतन्य रेंगे यांनी खबर दिली आहे. संदीप त्र्यंबकराव रेंगे वय ३७ वर्ष, असे मयताचे नाव आहे. दैठणा पोलिसात अकस्मात मृत्युची नोंद करण्यात आली आहे. तपास पोना. जाधव करत आहेत.