परभणीत अल्पवयीन मुलीवर अत्याचार;आरोपीस वीस वर्षाचा सश्रम कारावास...!

वर्षभराच्या आत खटल्याचा निकाल; ग्रामीण पोलीस ठाणे हद्दितील प्रकरण...!

परभणी (Parbhani Minor Girl Sexual Assault ) : गोड आंबे देतो म्हणून पोल्ट्री फार्मच्या पाठीमागे नेत अल्पवयीन मुलीवर अत्याचार करण्यात आला. या प्रकरणातील आरोपीस न्यायालयाने वीस सश्रम कारावास आणि दंडाची शिक्षा सुनावली आहे. सदर खटल्यात शुक्रवार १९ जून रोजी न्यायालयाने निकाल दिला. वर्षभराच्या आत खटल्यात निर्णय आला आहे. या प्रकरणात सरकार पक्षाकडून मुख्य सरकारी अभियोक्ता अ‍ॅड. ज्ञानोबा दराडे यांनी काम पाहिले.

६ मे २०२५ रोजी तक्रार देण्यात आली होती. फिर्यादीची अज्ञात मुले शेतात सरपण आणण्यासाठी गेली असता आरोपी उत्तम धुराजी भदर्गे याने त्यांना गोड आंबे देतो, असे म्हणत पोल्ट्री फार्मच्या पाठीमागे नेऊन लैंगिक अत्याचार केला. या (Parbhani Minor Girl Sexual Assault) प्रकरणी परभणी ग्रामीण पोलिसात गुन्हा नोंदविण्यात आला. पोउपनि. ज्योती बळेगावे यांनी तपास करत आरोपी उत्तम धुराजी भदर्गे याला अटक केली. घटनास्थळाचा पंचनामा केला. त्यानंतर आरोपी विरुध्द न्यायालयात दोषारोपपत्र दाखल केले.

सदर प्रकरण विशेष पोक्सो न्यायालय व प्रमुख जिल्हा व सत्र न्यायाधिश आर.एम. सदराणी यांच्या समोर चालले. सरकार पक्षातर्पेâ आठ साक्षीदार तपासण्यात आले. पिडित मुलगी, फिर्यादी व वैद्यकीय अधिकारी यांची साक्ष महत्वाची ठरली. अंतिम युक्तीवादानंतर न्यायालयाने आरोपी उत्तम धुराजी भदर्गे याला पोक्सो अन्वये वीस वर्ष सश्रम कारावास, एक हजार रुपये दंड आणि दंड न भरल्यास तीन महिने साधा कारावास तसेच इतर कलमांखाली अडिच वर्ष कारावास आणि दिड हजाराचा दंड सुनावला आहे. खटल्या दरम्यान आरोपी हा कारागृहातच होता. कोर्ट पैरवी अधिकारी म्हणून पोउपनि. सुरेश चव्हाण, पोह. वंदना आदोडे, वैशाली बिंडे यांनी काम पाहिले.