Parbhani Burglary Case: पाथरी तालुक्यातील पाथरगव्हाण खु. येथे घरफोडी करण्यात आल्याची घटना सकाळी चारच्या सुमारास उघडकीस आली. या घरफोडीत चोरट्यांनी सोन्याचे दागिने, रोख रक्कम
पाथरी तालुक्यातील घटना; सोन्याचे दागिने, रोकड लंपास
परभणी (Parbhani Burglary Case) : पाथरी तालुक्यातील पाथरगव्हाण खु. येथे घरफोडी करण्यात आल्याची घटना सकाळी चारच्या सुमारास उघडकीस आली. या घरफोडीत चोरट्यांनी सोन्याचे दागिने, रोख रक्कम मिळून १ लाख १० हजार रुपयांचा मुद्देमाल लंपास केला होता. सदर प्रकरणात पंधरा दिवसांनी पाथरी पोलीस ठाण्यात गुन्ह्याची नोंद करण्यात आली आहे.अभय वसंत शिंदे यांनी फिर्याद दिली आहे. ३० जून रोजी रात्री फिर्यादी व त्यांचा परिवार झोपी गेले. दुसर्या दिवशी पहाटेच्या सुमारास फिर्यादीचे वडिल झोपेतून उठल्यावर त्यांना घराचे गेट उघडे दिसले. घरातील साहित्य अस्ताव्यस्त पडलेले होते. घरातून सोन्याचे गंठण, वेल, सेवनपिस, कानातील फुल, रोख रक्कम चोरीला गेल्याचे दिसून आले. चोरट्यांनी एकूण १ लाख १० हजार रुपयांचा मुद्देमाल चोरुन नेला होता. ही घटना १ जुलैच्या सकाळी उघडकीस आली. या प्रकरणात १४ जुलै रोजी चोरट्यांवर गुन्हा दाखल करण्यात आला आहे.
वरखेड ग्रामस्थांनी पकडले अट्टल चोरटे; गुन्ह्यांची उकल
पाथरी तालुक्यातील वरखेड येथे सोमवार १३ जुलै रोजी काही घरात चोरीचा प्रयत्न झाला. ग्रामस्थांनी पाठलाग करत तीन चोरट्यांना पकडले. चौकशीत पाथरगव्हाण खु. येथील घरफोडी आणि जनावर चोरीच्या गुन्ह्याची उकल झाली आहे. ग्रामस्थांनी हाजु खाँ इस्माईल खाँ पठाण, महेश गोविंद चवरे, स्वामी श्रीकृष्ण अबदल यांना पकडले. पोलिसांनी संबंधितांना खाक्या दाखवताच त्यांनी गुन्ह्याची कबुली दिली. घरफोडीच्या गुन्ह्यातील मुद्देमाल चोरल्याचे निष्पन्न झाले. तिन्ही आरोपींना न्यायालयात हजर केले असता त्यांना दोन दिवसांची पोलीस कोठडी सुनावण्यात आली आहे.