Parbhani Accidental Death: परभणी जिल्ह्यातील गंगाखेड येथे वाघलगाव पाटी जवळील घटना: दुचाकीच्या चालकाने आबाजी भुजंगराव पांढरेला भरधावात गंभीर जखमी करून त्याचा मृत्यू झाला.
परभणी (Parbhani Accidental Death) : गंगाखेड येथे भरधाव वेगातील कार चालकाने दिलेल्या धडकेत दुचाकीस्वार ठार झाल्याची घटना गुरुवार १७ जून रोजी दुपारी १२ वाजेच्या सुमारास गंगाखेड पालम रस्त्यावरील वाघलगाव पाटीजवळ घडली आहे.
याबाबत समजलेली अधिक माहिती अशी की पालम तालुक्यातील चाटोरीजवळील कोनेरवाडी येथून दुचाकीवरून गंगाखेडच्या दिशेने येत असलेल्या आबाजी भुजंगराव पांढरे वय ७२ वर्ष यांच्या दुचाकीला गंगाखेडच्या दिशेने समोरून भरधाव वेगात येत असलेल्या डिझायर कार चालकाने जोराची धडक दिल्याने आबाजी भुजंगराव पांढरे गंभीर जखमी झाले. वाघलगाव पाटी जवळ अपघात (Parbhani Accidental Death) झाल्याची माहिती समजताच खाजगी रुग्णवाहिका चालक दिपक सपकाळ, नामदेव दहिफळे यांनी घटनास्थळी जाऊन गजानन गव्हाणे यांच्या मदतीने जखमी आबाजी पांढरे यांना गंगाखेड उपजिल्हा रुग्णालयात दाखल केले.
येथे प्रथमोपचार करून पुढील उपचारासाठी परभणी जिल्हा सामान्य रुग्णालयात हलविले असता आबाजी पांढरे यांचा उपचारादरम्यान मृत्यु झाला आहे. याप्रकरणी संतोष आबाजी पांढरे यांनी दिलेल्या फिर्यादीवरून गंगाखेड पोलीस ठाण्यात एमएच १४ डीयु ५०५० क्रमांकाच्या डिझायर कार चालकाविरुद्ध गुन्हा दाखल करण्यात आला आहे.