अंनिस जिल्हा शाखेचा घोट येथे शाखा भेट; गाव भेट उपक्रम व वनपरिक्षेत्र अधिकाऱ्यांचा निरोप समारंभ संपन्न

निलेश्वर वाडीघरे यांचा सत्कार

घोट (ANiS District Branch) : महाराष्ट्र अंधश्रद्धा निर्मूलन समिती (अंनिस) घोट शाखेच्या वतीने जिल्हा शाखेच्या पदाधिकाऱ्यांच्या उपस्थितीत 'शाखा भेट, गाव भेट' उपक्रमासह घोट वनपरिक्षेत्र अधिकारी निलेश्वर वाडीघरे यांची तिरोडा येथे बदली झाल्याने त्यांचा निरोप समारंभ आयोजित करण्यात आला.

कार्यक्रमाच्या अध्यक्षस्थानी अंनिसचे जिल्हा उपाध्यक्ष प्रा. सी. के. कांबळे होते. प्रमुख सत्कारमूर्ती म्हणून वनपरिक्षेत्र अधिकारी निलेश्वर वाडीघरे उपस्थित होते. प्रमुख अतिथी म्हणून घोट पोलीस मदत केंद्राचे सहाय्यक पोलीस निरीक्षक किशोर शिंदे, (ANiS District Branch) अंनिसचे राज्य सरचिटणीस विलास निंबोरकर, जिल्हा कार्याध्यक्ष विठ्ठलराव कोठारे, घोट शाखेचे अध्यक्ष दिनकर लाकडे,कार्याध्यक्ष असिफ सय्यद,परशुराम दुधबावरे, बाबुराव भोवरे,बबलू शाहा, रविंद्र सोमनकर,शिवराम गुरनुले,बंडू जुवारे, आनंदराव सिडाम, उमेश सरकार, प्रकाश बरडे, पत्रकार हेमंत उपाध्ये, वामन गुरनुले यांच्यासह अनेक मान्यवर उपस्थित होते.

यावेळी उपस्थित मान्यवरांनी अंधश्रद्धा निर्मूलन, वैज्ञानिक दृष्टिकोन आणि समाजप्रबोधनाच्या कार्याबाबत मार्गदर्शन केले. तसेच निलेश्वर वाडीघरे यांनी घोट परिसरात कार्यरत असताना विविध सामाजिक उपक्रमांमध्ये दिलेल्या योगदानाचा गौरव करून त्यांना भावपूर्ण निरोप देण्यात आला व पुढील वाटचालीस शुभेच्छा व्यक्त करण्यात आल्या.कार्यक्रमाचे सूत्रसंचालन व आभार प्रदर्शन अंनिसचे जिल्हा प्रधान सचिव शिवराम मोगरकर यांनी केले. कार्यक्रमाच्या यशस्वीतेसाठी अंनिस घोट शाखेचे सर्व पदाधिकारी व कार्यकर्त्यांनी परिश्रम घेतले.*