Rameshwar Tanda Crematorium: कळमनुरी तालुक्यातील रामेश्वर तांडा येथे स्मशानभूमी अभावी मयतावर अंत्यसंस्कार करण्यासाठी अडचणी येत असल्यासंदर्भात दैनिक देशोन्नतीमध्ये वृत्त प्रसिध्द होताच त्याची दखल
दैनिक देशोन्नतीच्या वृत्ताची दखल
रामेश्वर तांडा (Rameshwar Tanda Crematorium) : कळमनुरी तालुक्यातील रामेश्वर तांडा येथे स्मशानभूमी अभावी मयतावर अंत्यसंस्कार करण्यासाठी अडचणी येत असल्यासंदर्भात दैनिक देशोन्नतीमध्ये वृत्त प्रसिध्द होताच त्याची दखल घेत महसूल प्रशासनाने स्मशानभूमीसाठी गायरान भागाच्या जागेची पाहणी केली आहे. लवकरच येथे स्मशानभूमीसाठी जागा उपलब्ध होणार असल्याने गावकर्यातून समाधान मानले जात आहे.
कळमनुरी तालुक्यातील रामेश्वर तांडा येथे भारताला स्वातंत्र्य मिळाल्यापासून या गावांमध्ये स्मशानभूमी नसल्याने या संदर्भात ६ जुलै रोजी दैनिक देशोन्नतीने बातमी प्रकाशित करण्यात आली. याची दखल घेत कळमनुरी पंचायत समितीचे विस्तार अधिकारी एल. डी. डुकरे, ग्रामसेवक अंगद लिंगायत यांनी येथील गायरान जमिनीवर ग्रामस्थांचे समक्ष स्थळ पाहणी करण्यात आली. आता लवकरच गावात स्मशानभूमीसाठी जागा उपलब्ध करून दिली जाणार आहे. यामुळे अंत्यविधीसाठी ग्रामस्थांच्या अडचण दूर होतील.
यासंदर्भात ग्रामसेवक यांनी लवकरच ठराव पारित करून वरिष्ठ अधिकार्यांना तो ठराव पाठवल्या जाणार असल्याचे सांगितले आहे यावेळी ग्रामस्थ मोठ्या संख्येने उपस्थित होते.