कन्हान (Akansha Sherke Suicide Case) : पोलिस ठाण्याच्या हद्दीतील कांद्री येथील एका विवाहितेने सासरी होत असलेल्या कथित मान सिक व शारीरिक छळाला कंटाळुन आत्महत्या केल्या चा आरोप तिच्या आईने केला आहे. याप्रकरणी मृत विवाहितेचा पती गौरव संजय शेरके (वय २६) व सासरे संजय शेरके (वय ५२), रा. पारडी भवानी हॉस्पिटलजवळ, नागपुर यांच्याविरुद्ध कन्हान पोलिस ठाण्यात लेखी तक्रार दाखल करण्यात आली आहे.
फिर्यादी शालु गोपाल बोबडे रा. हरिहर नगर, कांद्री यांनी दिलेल्या तक्रारीनुसार त्यांची मुलगी आकांक्षा (Akansha Sherke Suicide Case) हिचा विवाह १८ एप्रिल २०२६ रोजी गौरव शेरके याच्याशी झाला होता. लग्नानंतर काही दिवस सर्व काही सुरळीत होते. मात्र त्यानंतर पती व सासऱ्यां कडुन तिला घरातील सर्व कामे करून घेत मानसिक व शारीरिक त्रास दिला जात असल्याचा आरोप तक्रारीत करण्यात आला आहे.
तसेच मारहाण, योग्य आहार न देणे आणि सतत छळ केल्याने तिची प्रकृती खालाव ल्याचेही तक्रारीत नमुद आहे. माहेरी आल्यानंतरही विवाहितेची प्रकृती सुधारली नाही. पुढे पतीला भेटुन घरी परतल्यानंतर ती मानसिक तणावात होती. दि. २५ जुलै रोजी तिने गळफास घेण्याचा प्रयत्न केला. तिला तात्काळ कामठी येथील खाजगी रुग्णालयात दाखल करण्यात आले; मात्र उपचारादरम्यान आज रविवार (दि.२६) जुलै ला सकाळी ८.४५ वाजता उपचारा दरम्यान तिचा मृत्यू झाला.
मृत विवाहितेच्या आईने आपल्या मुलीच्या मृत्युस पती व सासरे जबाबदार असल्याचा आरोप करत दोघांविरुद्ध कठोर कायदेशीर कारवाई करण्या ची मागणी केली आहे. या (Akansha Sherke Suicide Case) प्रकरणी कन्हान थानेदार वैजयंती मंडवधरे यांच्या मार्गदर्शनात कलम १०८, ८५, ३(५) बीएनएस अन्वये गुन्हा दाखल करून पुढील तपास कन्हान पोलीस करीत आहेत.