लोकांमध्ये कायद्याचा आदर असावा, भिती नको: पोलिस अधिक्षक डॉ. श्रेणिक लोढा

हिंगोली (SP Dr. Shrenik Lodha) : लोकांमध्ये कायद्याचा आदर असला पाहीजे, कायद्याची भिती नसावी, यासाठी प्रत्येकाने आपले कर्तव्य समजून कायद्याचे पालन करावे असे आवाहन नुतन पोलिस अधिक्षक डॉ. श्रेणिक लोढा यांनी पत्रकार भेटी दरम्यान केले. या प्रसंगी जिल्हाभरातून पत्रकार उपस्थित होते. (SP Dr. Shrenik Lodha)  डॉ. श्रेणिक लोढा हे २०१८ च्या बॅचचे आयपीएस अधिकारी आहेत. ते मुळात डॉक्टर असुन पुण्यातील ससुन रुग्णालयात त्यांनी वैद्यकीय सेवा दिलेली आहे. आयपीएस झाल्यानंतर नक्सलग्रस्त भाग म्हणुन ओळख असलेल्या गडचिरोली जिल्ह्यात त्यांनी उत्कृष्ट कामगिरी बजावली आहे. बुलढाणा जिल्ह्यात अप्पर पोलिस अधिक्षक पदावर असताना त्यांनी कायदा व सुव्यवस्था प्रभावीपणे राबविली होती. तेथून त्यांची पोलिस अधिक्षक म्हणुन पहिली नियुक्ती हिंगोली जिल्ह्यात झाली आहे. 

बुधवारी जिल्हाभरातील पत्रकारांशी त्यांनी पोलिस मुख्यालयात संवाद साधला. यावेळी त्यांनी जिल्ह्यात कायदे पालनासाठी दंड संहितेचा व बळाचा वापर करण्या ऐवजी लोकांमध्ये स्वत:हून कायदा पाळण्याची वृत्ती बळावली पाहीजे अशी आशा व्यक्त केली. हल्ली सायबर गुन्हे खुप वाढले आहेत असल्याचे सांगुन अशा प्रकारांमध्ये १९३० या क्रमांकावर तक्रार करावी अशी सूचना केली. डिजीअल अरेस्टचा बनाव कोणी कराव असेल तर तात्काळ पोलिसांशी संपर्क करावा अशीही सूचना त्यांनी केली. अलिकडे १६ ते २० या वयोगटातील मुला मुलींनी टारगेट केले जात असल्याने या मुला मुलींना कायद्याची माहिती पालक व शिक्षकांनी द्यावी, यासाठी पत्रकार व सामाजिक संघटनांनी पुढाकार घ्यावा, असे आवाहनही (SP Dr. Shrenik Lodha) डॉ. श्रेणिक लोढा यांनी केले. 

या प्रसंगी पत्रकारांच्या वतीने पोलिस अधिक्षक श्रेणिक लोढा यांचा सत्कार करण्यात आला. यावेळी ज्येष्ठ पत्रकार तुकाराम झाडे, नंदकिशोर तोष्णीवाल, बसंतकुमार भट्ट, विजय दगडू, प्रद्युम्न गिरीकर, कन्हैया खंडेलवाल, दिलीप खोडके, अ‍ॅड. चंद्रकांत देवणे आदींसहीत जिल्ह्यातील पत्रकार मोठ्या संख्येने उपस्थित होते.