पोलीस मदत केंद्राच्या वतीने व्यसनमुक्ती जनजागृती रॅली; विद्यार्थ्यांचा उत्स्फूर्त सहभाग

घोट (Addiction-Free Awareness Rally) : पोलीस मदत केंद्र घोटच्या वतीने व्यसनमुक्तीबाबत जनजागृती करण्याच्या उद्देशाने व्यसनमुक्ती रॅलीचे आयोजन करण्यात आले. या रॅलीत जिल्हा परिषद महात्मा गांधी हायस्कूल तथा कनिष्ठ महाविद्यालय, प्रायमरी नवोदय हायस्कूल तसेच परमपूज्य महात्मा गांधी कन्व्हेंट विद्यालयातील विद्यार्थ्यांनी उत्स्फूर्त सहभाग घेतला.

रॅलीची सुरुवात घोट येथून करण्यात आली असून गावातील प्रमुख मार्गांवरून घोषणाबाजी करत जनजागृती करण्यात आली. (Addiction-Free Awareness Rally) रॅलीनंतर बसस्थानक चौकात आयोजित कार्यक्रमात उपस्थित मान्यवरांनी विद्यार्थ्यांना व नागरिकांना व्यसनमुक्तीचे महत्त्व पटवून दिले.

यावेळी (Addiction-Free Awareness Rally) घोटच्या सरपंच रुपाली दुधबावरे,घोट पोलीस मदत केंद्राचे प्रभारी सहाय्यक पोलीस निरीक्षक किशोर शिंदे,व्यसनमुक्त समितीचे अध्यक्ष आसिफ सय्यद, तंटामुक्त गाव समितीचे अध्यक्ष दिनकर लाकडे,पत्रकार हेमंत उपाध्ये,लिना विश्वास,तसेच शिक्षक टेंबरे,येसेकर, बोरकर,कासलावार, कोवाची,मोगरकर,नैताम, गजभिये,उसेंडी,बोदलकर, रामटेके यांच्यासह विविध शाळांचे शिक्षक, विद्यार्थी व नागरिक मोठ्या संख्येने उपस्थित होते.कार्यक्रमाच्या शेवटी सहाय्यक पोलीस निरीक्षक किशोर शिंदे यांनी उपस्थित विद्यार्थी व नागरिकांना व्यसनमुक्तीची शपथ देऊन कोणत्याही प्रकारच्या व्यसनापासून दूर राहण्याचे आणि समाजातही व्यसनमुक्तीचा संदेश पोहोचविण्याचे आवाहन केले.*