ना सभा लावली,ना प्रचार साहित्य देत गंडविले...

परभणीत सात लाखाची फसवणूक केल्या प्रकरणी पाच जणांवर गंगाखेड पोलिसात गुन्हा

गंगाखेड (Parbhani Fraud and Threat) : निवडणुकीसाठी प्रचार सभा लवणे तसेच इतर प्रचार साहित्य पुरविण्यासाठी सात लाख रुपये घेत सभा लावली नाही तसेच साहित्यही दिले नाही. पैसे परत न करता सात लाखाची फसवणूक केली. ही घटना फेब्रुवारी २०२६ मध्ये वंचित बहुजन आघाडी शहर कार्यालय गंगाखेड येथे घडली. या प्रकरणी १७ जुनला गंगाखेड पोलिसात गुन्हा दाखल करण्यात आला आहे.

आशाबाई मुंढे यांनी फिर्याद दिली आहे. फिर्यादी या निवडणूक लढवत होत्या. निवडणूक जिंकण्यासाठी प्रकाशराव आंबेडकर यांची प्रचार सभा लावण्यासाठी तसेच निवडणूक प्रचारातील साहित्य पुरवितो, असे म्हणत आरोपींनी फिर्यादीकडून सात लाख रुपये घेतले. त्यानंतर प्रचार सभा लावली नाही तसेच कोणतेही साहित्य पुरविले नाही. फिर्यादीने आरोपींना रक्कम परत मागितली असता आज, उद्या रक्कम देतो, असे म्हणत वेळ मारुन नेली. (Parbhani Fraud and Threat) फिर्यादीची फसवणूक केली तसेच फिर्यादी व त्यांच्या पतीला जीवे मारण्याची धमकी दिली. या प्रकरणी आशिष चौधरी, मनोहर मारोती वावळे, गजानन पारवे, सुनील माने, अनुराधा एस. लिंगापुरे यांच्यावर गंगाखेड पोलिसात गुन्हा नोंद झाला आहे. तपास सपोनि. सानप करत आहेत.