Farmer Loan Waiver

जाचक अटींमुळे ७० टक्के शेतकरी कर्जमाफीपासून वंचित

शेतकरी कर्जमाफीच्या नावाखाली सरकारने जाहीर केलेल्या योजनेतील जाचक अटींमुळे ७० टक्के शेतकरी लाभापासून वंचित राहणार असल्याचा आरोप आमदार रोहित पवार यांनी केला.

जाचक अटींमुळे ७० टक्के शेतकरी कर्जमाफीपासून वंचित

Farmer Loan Waiver

पुण्यश्लोक अहिल्याबाईंचे नाव देऊन अपमान केल्याचा आ. रोहीत पवारांचा आरोप

हिंगोली (Farmer Loan Waiver) :
शेतकरी कर्जमाफीच्या नावाखाली सरकारने जाहीर केलेल्या योजनेतील जाचक अटींमुळे ७० टक्के शेतकरी लाभापासून वंचित राहणार असल्याचा आरोप आमदार रोहित पवार यांनी केला. पुण्यश्लोक अहिल्याबाई होळकर यांच्या नावाने योजना आणूनही सामान्य गरीब शेतकऱ्याला न्याय न मिळणे हा त्या महामानवाचा अपमान असल्याची टीका त्यांनी हिंगोली येथे पत्रकार परिषदेत केली.

हिंगोली येथे २६ जून रोजी आमदार रोहित पवार यांच्या उपस्थितीत राष्ट्रवादी काँग्रेस पार्टी (शरदचंद्र पवार) पक्षाच्या पदाधिकाऱ्यांचा मेळावा पार पडला. त्यानंतर आयोजित पत्रकार परिषदेत ते बोलत होते.

यावेळी बोलताना त्यांनी सांगितले की, २ जून रोजी सरकारने कर्जमाफीची घोषणा केल्यानंतर त्यांनी सरकारचे अभिनंदन केले होते. तसेच शेतकरी, महिला सबलीकरण आणि धार्मिक चळवळीसाठी कार्य करणाऱ्या पुण्यश्लोक अहिल्याबाई होळकर यांच्या नावाने योजना सुरू केल्याबद्दल सरकारचे आभारही मानले होते. मात्र शासन निर्णयाचा (जीआर) अभ्यास केल्यानंतर त्यामध्ये अनेक जाचक अटी असल्याचे समोर आले. या अटींमुळे सुमारे ७० टक्के शेतकऱ्यांवर अन्याय होणार असल्याचा दावा त्यांनी केला.

रोहित पवार म्हणाले की, सामान्य लोकांना सरसकट न्याय मिळावा यासाठी महामानवांनी आयुष्यभर कार्य केले. त्यामुळे त्यांच्या नावाने योजना आणताना ती विनाअट सरसकट कर्जमाफीची असायला हवी होती. मात्र सरकारने आमचे ऐकले नाही. त्यामुळे १२ जुलैपासून पंढरपूरच्या पवित्र भूमीत आंदोलन सुरू करण्याचा निर्णय घेतला आहे. वारकरी संप्रदायातील ९९ टक्के वारकरी हे शेतकरी असून, सध्या शेतकरी गंभीर आर्थिक अडचणीत असल्याचे त्यांनी सांगितले.

जिल्ह्यातील कर्जवाटपाबाबत माहिती देताना त्यांनी सांगितले की, गेल्या वर्षी हिंगोली जिल्ह्यात एक हजार कोटी रुपयांचे कर्जवाटप झाले. त्यापैकी जिल्हा बँकेकडून केवळ २२० कोटी रुपये वितरित करण्यात आले, तर उर्वरित कर्ज राष्ट्रीयीकृत बँकांनी दिले. शेतकरी आणि शेतमजूर अडचणीत असतील तर ग्रामीण अर्थव्यवस्था कोलमडते आणि त्याचा परिणाम शहरी अर्थव्यवस्थेवरही होतो. त्यामुळे शेतकऱ्यांना न्याय देण्यासाठी हा विषय हाती घेणे आवश्यक असल्याचे त्यांनी नमूद केले.

शेतकऱ्यांची विनाअट सरसकट कर्जमाफी करण्यात यावी, या मागणीसाठी २९ जून रोजी छत्रपती संभाजीनगर येथे राष्ट्रवादी काँग्रेस पार्टी (शरदचंद्र पवार) पक्षाच्या वतीने रास्तारोको आंदोलन करण्यात येणार असल्याची माहिती त्यांनी दिली. हे आंदोलन शांततेत करण्यात येणार असून, प्रशासनाने बळाचा वापर केल्यास जेलभरो आंदोलनही करण्यात येईल, असा इशाराही त्यांनी दिला.

यावेळी माजी मंत्री जयप्रकाश दांडेगावकर यांच्यासह राज राजापूरकर, विकास लवांडे, डॉ. नरेंद्र काळे, प्रशांत बोराडे, भगवान आलेगावकर, अ‍ॅड. रवि शिंदे, बंडू मुटकुळे, गणेशराव गडदे, मनीष आखरे, माधव कोरडे, धीरज काकडे, डॉ. संतोष बोंढारे, गजानन गव्हाणे, मुजीब पठाण, मोईन बागवान, अ‍ॅड. शेख मोसिन, डॉ. वेदांत मरळे, प्रा. गजानन थोरात, सोनू चव्हाण, दिलीप लाखोंचे, सुशील बोंढारे, अभिजीत देशमुख, रमेश जाधव, सिराज कुरेशी, आयुब पठाण, यशवंत देशमुख, व्यंकटेश जोगदंड, सुनील मस्के, उत्तम पोटे, ज्ञानेश्वर होडबे, दत्ता गिरी, प्रमोद वडकुते यांच्यासह राष्ट्रवादी काँग्रेस पार्टी (शरदचंद्र पवार) पक्षाचे पदाधिकारी आणि शेतकरी मोठ्या संख्येने उपस्थित होते.

संबंधित सामग्री

विलिनीकरणाचा निर्णय सुनेत्रा वहिनी घेतील’; सुनील तटकरेंच्या विधानाने राजकीय चर्चांना वेग

विलिनीकरणाचा निर्णय सुनेत्रा वहिनी घेतील’; सुनील तटकरेंच्या विधानाने राजकीय चर्चांना वेग

NCP विलिनीकरणावर सुनील तटकरे यांचे सूचक विधान. पुण्यात सुनेत्रा पवारांची भेट घेणार असून राष्ट्रवादीच्या अर्थखात्याचीही केली मागणी.

Nov 10, 2026
‘विलिनीकरण ठरले तर आम्हाला सांगतील’; राष्ट्रवादीच्या चर्चांवर फडणवीसांचे भाष्य

‘विलिनीकरण ठरले तर आम्हाला सांगतील’; राष्ट्रवादीच्या चर्चांवर फडणवीसांचे भाष्य

NCP विलिनीकरणावर देवेंद्र फडणवीसांचे मोठे विधान. शरद पवार, सुनेत्रा पवार, गोकुळ वाद आणि बिश्नोई टोळीवरही मुख्यमंत्र्यांनी भाष्य केले.

Nov 10, 2026
राजस्थानमध्ये फटाक्यांच्या दुकानाला भीषण आग; काँग्रेस नगरसेविका आणि पतीचा होरपळून मृत्यू

राजस्थानमध्ये फटाक्यांच्या दुकानाला भीषण आग; काँग्रेस नगरसेविका आणि पतीचा होरपळून मृत्यू

राजस्थानच्या फालनामध्ये फटाक्यांच्या दुकानाला भीषण आग लागून काँग्रेस नगरसेविका उषा पूनमिया आणि पती प्रकाश यांचा मृत्यू.

Nov 10, 2026
मुंबईला पळून जाण्याच्या प्रयत्नात टीएमसी आमदाराला अटक; कोलकाता विमानतळावर पोलिसांची कारवाई

मुंबईला पळून जाण्याच्या प्रयत्नात टीएमसी आमदाराला अटक; कोलकाता विमानतळावर पोलिसांची कारवाई

बलात्कार आणि खंडणीच्या आरोपांप्रकरणी फरार असलेले टीएमसी आमदार परेश राम दास यांना मुंबईला जाण्यापूर्वी कोलकाता विमानतळावर अटक.

Nov 10, 2026
गोकुळ दूध संघ निवडणुकीत लोकशाहीची गळचेपी?

गोकुळ दूध संघ निवडणुकीत लोकशाहीची गळचेपी?

गोकुळ दूध संघातील नियुक्त सदस्यांच्या मतदानाच्या अधिकाराविरोधात मानोरा काँग्रेस आक्रमक; शासन निर्णय रद्द करून अध्यक्षपदाची निवडणूक घेण्याची मागणी.

Nov 09, 2026