Chakur Self-Immolation: चाकूर तालुक्यातील शेतकऱ्यांना पेरलेल्या बियाणा उगवण्याच्या कारणामुळे नुकसान भरपाई मिळावी म्हणून आत्मदहन रोखलेचा निर्णय झाला आहे.
चाकूर (Chakur Self-Immolation) : चाकूर तालुक्यातील चापोली येथील शेतकऱ्यांचे शेतीमध्ये पेरलेले बियाणे उगवले नसल्यामुळे तहसीलदार व कृषी विभाग यांना पंचनामा व नुकसान भरपाई साठी आत्मदहनाचा इशारा दिला होता. त्यामुळे पोलीस प्रशासन व महाबीज कंपनीच्या कर्मचाऱ्यांनी आज कृषी कार्यालयात होणारे आत्मदहन रोखले.
चाकूर तहसील कार्यालय व कृषी विभाग यांना चापोली येथील ४० ते ४५ शेतकऱ्यांनी त्यांच्या शेतात पेरलेले बियाणे उगवले नसल्यामुळे शेतातील पंचनामे व नुकसान भरपाई मिळावी म्हणून एका निवेदनाद्वारे आत्मदहनाचा इशारा दिला होता. यावेळी ठरलेल्या वेळेनुसार आज 40 ते 50 शेतकरी कृषी कार्यालयामध्ये पेट्रोल व डिझेलच्या बॉटल सोबत घेऊन आले त्यामध्ये महाबीजचे कर्मचारी व कृषी विभागातील कर्मचारी व संतापलेले शेतकरी यांच्यामध्ये वादावादी सुरू झाली.
त्यामुळे हा वाद विकोपाला जाण्याअगोदरच पोलीस प्रशासनाच्या हस्तक्षेपामुळे व महाबीज कर्मचाऱ्यांनी मदतीचे लेखी स्वरूपाचे पत्र दिल्यामुळे हा अनर्थ टळला . आणि पोलीस प्रशासन महावीर कर्मचाऱ्यांना आत्मदहन होणारे रोखता आले यावेळी तालुक्यातील इतर गावचे शेतकरी हजर झाले होते.