सोलापूर शहरातून एक धक्कादायक चोरीची घटना समोर आली असून चोरट्यांनी थेट एटीएम मशीनच उखडून नेल्याने परिसरात मोठी खळबळ उडाली आहे.
सोलापूर (ATM Theft) : सोलापूर शहरातून एक धक्कादायक चोरीची घटना समोर आली असून चोरट्यांनी थेट एटीएम मशीनच उखडून नेल्याने परिसरात मोठी खळबळ उडाली आहे. घरकुल परिसरातील सग्गम नगर भागातील स्टेट बँक ऑफ इंडिया (SBI)च्या एटीएम केंद्रावर ही घटना घडली. ही चोरी पहाटे सुमारे ३ वाजण्याच्या सुमारास झाल्याची माहिती आहे.
मिळालेल्या माहितीनुसार, चोरट्यांनी एटीएममधील रोख रक्कम काढण्याचा प्रयत्न न करता संपूर्ण मशीनच उखडून वाहनात टाकले आणि तेथून पसार झाले. या घटनेवरून चोरट्यांनी आधीच रेकी करून नियोजनबद्ध पद्धतीने चोरी केल्याचा अंदाज व्यक्त केला जात आहे. मागील काही दिवसांत सोलापूर शहरात चोरीच्या घटनांमध्ये वाढ झाल्याचेही दिसून येत आहे.
एटीएमसारख्या सुरक्षित मानल्या जाणाऱ्या ठिकाणालाच लक्ष्य केल्याने पोलिसांच्या सुरक्षा व्यवस्थेवर प्रश्नचिन्ह निर्माण झाले आहे. या प्रकारामुळे परिसरातील नागरिक व व्यापाऱ्यांमध्ये भीतीचे वातावरण निर्माण झाले असून, रात्रीच्या सुरक्षेबाबत चिंता व्यक्त होत आहे.
घटनेची माहिती मिळताच एमआयडीसी पोलीस ठाण्याचे अधिकारी व कर्मचारी घटनास्थळी दाखल झाले. तसेच एसबीआयचे वरिष्ठ अधिकारीही तेथे पोहोचले. पोलिसांनी घटनास्थळाचा पंचनामा करून परिसरात नाकेबंदी केली असून तपास सुरू केला आहे.
सदर एटीएम केंद्रात सुरक्षेसाठी आत दोन आणि बाहेर एक असे एकूण तीन सीसीटीव्ही कॅमेरे बसवलेले होते. पोलिसांनी या कॅमेऱ्यांचे फुटेज ताब्यात घेतले असून त्याच्या आधारे चोरट्यांचा शोध घेतला जात आहे.
दरम्यान, एटीएम मशीनमध्ये नेमकी किती रक्कम होती याबाबत अद्याप स्पष्टता आलेली नाही. बँक प्रशासनाकडून कॅश ऑडिट सुरू असून त्यानंतरच चोरीची अचूक रक्कम समोर येणार आहे. या प्रकरणी एमआयडीसी पोलीस ठाण्यात गुन्हा दाखल करण्याची