तडीपार सराईत गुन्हेगाराकडून देशी कट्टा व जिवंत काडतुसे जप्त

अमरावती शहर गुन्हे शाखेची धडाकेबाज कारवाई; शस्त्र तस्कराचा शोध सुरू

अमरावती (Amravati Illegal Weapons) : अमरावती शहरात अवैध शस्त्र बाळगून दहशत निर्माण करणाऱ्यांविरोधात गुन्हे शाखेने विशेष मोहीम राबवत मोठी कारवाई केली आहे. नागपुरी गेट पोलीस ठाण्याच्या हद्दीतून तडीपार करण्यात आलेल्या एका सराईत आरोपीला ताब्यात घेऊन त्याच्याकडून देशी बनावटीचा कट्टा (पिस्टल) आणि दोन जिवंत काडतुसे असा मुद्देमाल जप्त करण्यात आला आहे.पोलीस आयुक्त राकेश ओला यांनी अवैध शस्त्रे बाळगणाऱ्या इसमांवर प्रभावी कारवाई करण्याचे आदेश दिले होते. त्यानुसार गुन्हे शाखेचे पोलीस निरीक्षक पोलीस निरीक्षक दिनेश दहातोंडेव अतुल वर व यांच्या नेतृत्वाखाली पथकाने कारवाई केली.

दि. १६ जून २०२६ रोजी गुन्हे शाखेच्या पथकाला गुप्त (Amravati Illegal Weapons) माहिती मिळाली की, नागपुरी गेट पोलीस ठाण्याच्या हद्दीतून तडीपार असलेला अहेसान खान हसन खान (वय २५, रा. गुलीस्ता नगर, अमरावती) हा स्वतःजवळ देशी कट्टा बाळगून फ्रेजरपुरा पोलीस ठाण्याच्या हद्दीतील परिहारपुरा-वडाळी पुलाकडून आशियाना क्लबकडे येत आहे. माहितीच्या आधारे गुन्हे शाखेच्या पथकाने आशियाना क्लब परिसरात सापळा रचून अहेसान खान याला शिताफीने ताब्यात घेतले. त्याची अंगझडती घेतली असता कमरेला एक देशी बनावटीचा कट्टा व दोन जिवंत काडतुसे आढळून आली. पोलिसांनी तत्काळ शस्त्र जप्त केले.

चौकशीत आरोपीने सदर कट्टा हा रेहान खान अयुब खान उर्फ रेहान बंदुक (रा. पाटीपुरा, सुलतानच्या पानठेल्याजवळ, अमरावती) याच्याकडून घेतल्याचे सांगितले. याप्रकरणी रेहान खान हा फरार असून त्याचा शोध सुरू आहे.

तडीपार आरोपी अहेसान खान हा सराईत गुन्हेगार असून त्याच्यावर अमरावती शहर पोलीस आयुक्तालयात यापूर्वी गंभीर स्वरूपाचे गुन्हे दाखल आहेत. त्याला अमरावती शहर व ग्रामीण हद्दीतून दोन वर्षांसाठी तडीपार करण्यात आले होते. मात्र वरिष्ठांची परवानगी न घेता शहरात येऊन अग्निशस्त्र बाळगल्याने त्याच्याविरुद्ध फ्रेजरपुरा पोलीस ठाण्यात आर्म्स ॲक्टसह महाराष्ट्र पोलीस कायद्यानुसार गुन्हा दाखल करण्यात आला आहे.पोलिसांनी  देशी कट्टा (पिस्टल) अंदाजे किंमत ३५ हजार रुपये,दोन जिवंत काडतुसे अंदाजे किंमत २ हजार रुपये ३७ हजार रुपयांचा मुद्देमाल जप्त केला आहे.

ही (Amravati Illegal Weapons) कारवाई पोलीस आयुक्त, राकेश ओला, पोलीस उपआयुक्त यशवंत सोळंके सा. (परिमंडळ ०१), रमेश धुमाळ,पोलीस उपाआयुक्त (मुख्यालय), मा. सहायक पोलीस आयुक्त, (गुन्हे विभाग)  शिवाजी बचाटे, तसेच मा, सहायक पोलीस आयुक्त, (गाडगेनगर विभाग) कैलाश फुंडकर सा, यांचे मार्गदर्शनाखाली पो, नि, दिनेश दहातोंडे, पो, नि, अतुल वर यंच्यासह सपोनि मनीष वाकोडे, सपोनि दशरथ आडे, सपोनि महेश इंगोले, पो. उपनि, गजानन सोनुने, सहा, पोउपनि फिरोज खान, पोह्या सतीष देशमुख, पोहवा मंगेश लोखंडे, पो. हे. कॉ. संभाजी केन्द्रे, पो.हे. कॉ. नाझीमउददीन सैयद, पो.ना सचिन भोयर, पोलीस अमलदार रंजित गावंडे, सुरज चव्हाण, निखील गेडाम, सागर ठाकरे चालक चेतन शर्मा, शांतनु बारोटकर, गुन्हे शाखा, अमरावती शहर यांनी तसेच पो. स्टे. सायबर येथील स.पो.नि. अनिकेत कासार, पो. शि चेतन गुल्हाने यांचा समावेश होता.