दि. ३० मार्च रोजी श्रींचे गाढे ओढणे व महाप्रसाद
मानोरा (Shrimad Bhagwat Katha) : श्रीक्षेत्र आसोला खुर्द येथे पुरण पोळीच्या नवसाला पावणारा भगवान शिव शंकराचे भक्त श्री सोहमनाथ महाराजांच्या समाधी सोहळ्यानिमित्त श्रीमद् भागवत कथा ज्ञानयज्ञ महोत्सव सोमवार दि. २३ मार्च ते २९ मार्च पर्यंत पर्यंत पार पडणार आहे. यात्रा महोत्सवाला २८ मार्च ते १ एप्रिल पर्यंत राहणार असुन चैत्र शुद्ध गुढीपाडवा दि. १९ मार्च ते २ एप्रिल हनुमान जयंतीपर्यंत आयोजीत विविध धार्मिक कार्यक्रमाचा लाभ तालुकाभरातील भाविक भक्तांनी घ्यावा, असे आवाहन व्यवस्थापक श्री सोहमनाथ महाराज संस्थान तसेच समस्त गावकरी मंडळीच्यावतीने करण्यात आले आहे.
श्रीमद् भागवत कथा (Shrimad Bhagwat Katha) ह. भ. प. बालयोगी गोपालजी महाराज कारखेडकर यांच्या अमृत वाणीतून संगीत संचासह पार पडणार आहे. भागवत कथा वाचन दुपारी १ ते ४ वाजतापर्यंत राहणार आहे. सोमवारला २३ मार्च रोजी रात्री सकाळी ९ वाजता श्री सोहमनाथ महाराजांचा अभिषेक ग्रंथ व स्थापना व ज्ञान यज्ञास प्रारंभ आणि रात्री ९ वाजता ह. भ. प, श्री ऋषिकेश महाराज यांच्या कीर्तनाचा कार्यक्रम, दि.२४ मार्च रोजी सकाळी १० ते ११ ह भ प मंजूताई राठोड यांचा प्रवचनाचा कार्यक्रम व रात्री ९ वाजता श्री संतोष महाराज यांच्या कीर्तनाचा कार्यक्रम, दि. २५ मार्च रोजी रात्री ९ ते १२ ह. भ. प. नरेंद्र महाराज बिडकर यांच्या कीर्तनाचा कार्यक्रम, दि. २६ मार्च रोजी ९ ते ११ ह भ प श्री गणेश महाराज कुबडे यांचा कीर्तनाचा कार्यक्रम, दि. २७ मार्च रोजी दुपारी १२ वाजता भागवताचार्य ह. भ. प. बालयोगी गोपाल महाराज यांच्या हस्ते श्रीराम जन्मोत्सव, व रात्री ९ ते ११ ह. भ.प. श्री हरिभाऊ महाराज दुर्गे यांचा कीर्तनाचा कार्यक्रम, दि. २८ मार्च रोजी रात्री ९ ते ११ ह भ प श्री घुगे महाराज यांचा कीर्तनाचा कार्यक्रम, दि. २९ मार्च रोजी दुपारी १ ते ४ श्रीमद् भागवत कथा ज्ञान यज्ञास पूर्णाहुती व रात्री ८ ते १० ह भ प श्री नरेश महाराज आळंदीकर यांचा कीर्तन व त्यानंतर बंजारा भजनाचा कार्यक्रम, दि. ३० मार्च रोजी सोमवारी यात्रमहोत्सव सकाळी ७ वाजता श्री सोमनाथ महाराजांचा अभिषेक व नंतर गाढे ओढण्यास प्रारंभ, सकाळी १० ते १२ ह भ प श्री नरेश महाराज आळंदीकर यांचे काल्याचे किर्तन आणि श्रींचा महाप्रसाद यात्रामहोत्सव, ३१ मार्च रोजी सकाळपासून श्रींची पालखी व काठी मिरवणूक, दहीहंडी व काल्याचे किर्तन, २ एप्रिल रोजी सकाळी ९ वाजता श्री हनुमान जन्मोत्सव व त्यानंतर महाप्रसाद तरी पंचक्रोशीतील भाविक भक्तांनी सप्ताहभर आयोजीत श्रीमद् भागवत कथा ज्ञानयज्ञ, प्रवचन, कीर्तन, गोपालकाला, भजन आणि महाप्रसादाचा लाभ घेण्याचे आवाहन भाविक भक्तांना आयोजकांच्या वतीने करण्यात आले आहे.
