सोमवती अमावस्या निमित्त ज्योतिर्लिंग श्री नागनाथाच्या दर्शनासाठी भाविकांची गर्दी

औंढा नागनाथ (Jyotirlinga Shri Nagnatha) : येथील आठवे ज्योतिर्लिंग श्री नागनाथ मंदिरात सोमवती अमावस्या निमित्त 15 जून रोजी सकाळ पासून च श्री नागनाथाचे दर्शन घेण्यासाठी भाविकांनी मोठी गर्दी केली होती यादरम्यान मोठ्या भाविकांच्या रांगा लागल्या होत्या तर मंदिर परिसरही भाविकांच्या गर्दीने फुलून गेला होता. 

अधिक मासात संपूर्ण महिनाभर श्री नागनाथाच्या दर्शनासाठी भाविकांची मोठी गर्दी होती दरम्यान अधिक मासाचा शेवट असल्याने सोमवारी सोमवती अमवशा निमित्त मंदिरात भाविकांनी मोठी गर्दी केली होती. मंदिर संस्थान सल्लागार समिती मंडळाचे अध्यक्ष आमदार संतोष बांगर, मंदिर संस्थांचे अध्यक्ष तहसीलदार हरीश गाडे यांच्या मार्गदर्शनाखाली अधीक्षक वैजनाथ पवार, व्यवस्थापक सुरेंद्र डफळ, मंदिर सुरक्षा प्रमुख बबन सोनूणे, जगदेव दिंडे, नामदेव पाटील, संजय मोरे, शोभा करंजीकर, अर्चना राऊत, भगवान शिंदे, दसरत राठोड, मनीषा जवळके, नितीन दराडे, प्रवीण गोबाडे, मंचक सोळंके, आकाश सोनूणे, विमल सोळंके नंदा चोंढेकर, सुरेखा शिंदे , गणेश जगताप, मुकेश पडोळे, सचिन सोनटक्के, प्रदीप जोशी, नागेश माने,कृष्णा पाटील, मीना काळे, चतुराबाई गोरे यांनी बंदोबस्त ठेवत भाविकांना रांगेमध्ये पाणी, चहा व फराळाची सोय केली होती.

दरम्यान (Jyotirlinga Shri Nagnatha) सोमवती अमवशा अनुषंगाने पहाटे साडेपाच वाजता मंदिराचे मुख्य पुजारी तुळजादास भोपी, बंडू भोपी, रामेश्वर गुरव यांनी श्री नागनाथ स्नान व नित्य पूजा करून मंदिर भाविकांना दर्शनासाठी खुले केले दरम्यान सकाळ पासून रात्री उशिरापर्यंत ४५ हजाराच्या वर भाविकांनी दर्शन घेतल्याची माहिती मंदिराची व्यवस्थापक सुरेंद्र डफळ, मंदिर सुरक्षा प्रमुख बबन सोनूणे यांनी दिली.