अक्षय कुमार आणि प्रियदर्शन १४ वर्षांनंतर 'भूत बंगला'मध्ये पुन्हा एकत्र

अक्षय कुमार–प्रियदर्शन १४ वर्षांनंतर पुन्हा एकत्र

मुंबई : दिग्दर्शक Priyadarshan यांच्या ‘भूत बंगला’ या हॉरर-कॉमेडी चित्रपटाचा ट्रेलर प्रदर्शित झाला असून, प्रेक्षकांकडून त्याला चांगला प्रतिसाद मिळत आहे. जुन्या हवेलीतील गूढ वातावरण, अनपेक्षित वळणे आणि विनोदाचा जबरदस्त तडका यामुळे ट्रेलर चर्चेत आला आहे.

या ट्रेलरमध्ये Akshay Kumar, Paresh Rawal आणि Rajpal Yadav यांच्या दमदार कॉमेडीची झलक पाहायला मिळते.

वधुसुर’ची गूढ कथा

ट्रेलरमध्ये ‘वधुसुर’ या रहस्यमय भुताची कथा उलगडताना दिसते. या कथेत अक्षय कुमारचा या भुताशी सामना होणार असल्याचे संकेत दिले आहेत. हवेलीभोवती फिरणारे गूढ आणि विनोदी प्रसंग पाहता, हा चित्रपट Bhool Bhulaiyaaची आठवण करून देतो.

दमदार स्टारकास्ट आणि कॉमेडी

चित्रपटात Tabu यांची खास झलक दिसते, जी त्यांच्या Bhool Bhulaiyaa 2 मधील भूमिकेची आठवण करून देते. याशिवाय Asrani, Mithila Palkar आणि Wamiqa Gabbi यांचीही महत्त्वपूर्ण भूमिका आहे. अक्षय कुमारची कॉमेडी टायमिंग आणि इतर कलाकारांची केमिस्ट्री हा चित्रपटाचा मोठा प्लस पॉइंट ठरणार आहे.

कधी रिलीज होणार?

‘भूत बंगला’ हा चित्रपट १७ एप्रिल २०२६ रोजी चित्रपटगृहात प्रदर्शित होणार आहे. त्याआधी १६ एप्रिल रोजी रात्री ९ वाजल्यापासून पेड प्रिव्ह्यू शो आयोजित करण्यात आला आहे.

हॉरर आणि कॉमेडीचा संगम असलेला हा चित्रपट प्रेक्षकांना हसवतानाच थरार देणार असल्याची अपेक्षा आहे.