नालासोपारा (Ganeshotsav) : गणेश आगमन मिरवणुकीदरम्यान नालासोपारा येथे धक्कादायक घटना घडली. मिरवणुकीत नेली जात असलेल्या गणेशमूर्तीचा अचानक तोल जाऊन ती भाविकांच्या अंगावर कोसळली. या घटनेमुळे मिरवणुकीत काही काळ एकच गोंधळ उडाला. मात्र, सुदैवाने मोठी दुर्घटना टळली.
नालासोपारा पश्चिमेकडील फन फिएस्टा थिएटर परिसरात शनिवारी सायंकाळी ही घटना घडल्याची माहिती आहे. (Ganeshotsav) गणेशमूर्ती ट्रॉलीच्या माध्यमातून मिरवणुकीत नेली जात होती. त्यावेळी पाऊस आणि वाऱ्यामुळे परिस्थिती बिघडली आणि अचानक मूर्तीचा तोल गेला. (Ganeshotsav) मूर्ती कोसळताच मिरवणुकीत सहभागी असलेल्या नागरिक आणि कार्यकर्त्यांनी तातडीने मदतीसाठी धाव घेतली. मूर्तीखाली अडकलेल्या भाविकांना बाहेर काढण्यासाठी उपस्थितांनी प्रयत्न केले.
या (Ganeshotsav) घटनेत सुदैवाने कोणतीही जीवितहानी झाल्याचे समोर आले नाही. गंभीर दुखापतीचीही माहिती नाही. काही वेळात परिस्थिती नियंत्रणात आल्यानंतर मिरवणूक पुन्हा सुरू करण्यात आली.
या घटनेनंतर (Ganeshotsav) गणेशमूर्तींच्या मिरवणुकीदरम्यान सुरक्षिततेची योग्य काळजी घेण्याची गरज पुन्हा अधोरेखित झाली आहे. (Ganeshotsav) विशेषतः मोठ्या आकाराच्या मूर्तींची वाहतूक करताना हवामान, वाऱ्याचा वेग आणि भाविकांची गर्दी लक्षात घेऊन आवश्यक खबरदारी घेणे महत्त्वाचे आहे. सुदैवाने या घटनेत मोठी जीवितहानी टळल्याने भाविकांनी सुटकेचा निश्वास सोडला.
