आदित्य ठाकरे कडून मोबाईल टॉर्च च्या उजेडात पीक नुकसानीची पाहणी

वसमत (Aditya Thackeray) : वसमत तालुक्यातील माळवटा शिवारात शनिवारी रात्री शिवसेना नेते आदित्य ठाकरे वसमत तालुक्यात आले होते माळवटा शिवारात त्यांनी रात्री आठ साडेआठच्या सुमारास पाहणी केली. रात्रीच्या अंधारात मोबाईल टॉर्च उजेडात त्यांनी शेतकऱ्यांशी संवाद साधला. शिवसेना उबाठा पक्षाचे नेते आदित्य ठाकरे (Aditya Thackeray) व विरोधी पक्षनेते अंबादास दानवे हे मराठवाड्यात दुष्काळी पाहणीच्या दौऱ्यावर आहेत. शनिवारी रात्री त्यांनी तालुक्यातील माळवटा शिवारात पीक नुकसानीची पाहणी केली.

शासनाने दुष्काळ जाहीर केला असला तरी दुष्काळी मदत व शेतकऱ्यांना प्रत्यक्ष मदत कधी मिळेल असा सवाल यावेळी आदित्य ठाकरे (Aditya Thackeray) यांनी उपस्थित केला शेतकऱ्यांना भेटणं त्यांना धीर देणे गरजेचे असल्याचे आदित्य ठाकरे म्हणाले. आदित्य ठाकरे यांच्या समवेत विरोधी पक्षनेते अंबादास दानवे  शिवसेनेचे आमदार कैलास पाटील  जिल्हाप्रमुख संदेश देशमुख सुनील काळे, काशिनाथ भोसले,डॉक्टर धोंडीराम पारडीकर नगरसेविका रेणुका पतंगे व पदाधिकारी मोठ्या संख्येने उपस्थित होते. माळवटा येथील शेत शिवाराची पाहणी केल्यानंतर आदित्य ठाकरेमार्गस्थ झाले.
 
रात्रीचा अंधार आणि मोबाईल टॉर्च
दुष्काळी पाहणे करण्यासाठी रात्री उशिरा आदित्य ठाकरे हे माळवटा शिवारातील शेतात उतरणे सर्वत्र अंधार होता अशावेळी मोबाईल टॉर्च उजेडात त्यांनी पिकांची पाहणी केली. रात्रीच्या  अंधारात त्यांना काय दिसले हे माहित नाही मात्र मोबाईल टॉर्च च्या उजेडात त्यांनी शेतकऱ्यांशी संवाद साधून आपली भूमिका मांडली.