गीता मुंडे यांचा नेत्रदानाचा संकल्प!
उदगीर (Geeta Munde) : वाढदिवस म्हटला की केक, सेलिब्रेशन आणि शुभेच्छांचा वर्षाव…वाढदिवस म्हणजे केवळ केक-कटिंग आणि शुभेच्छांचा वर्षाव… पण हा ट्रेंड मोडत उदगीरमध्ये एक वेगळाच आदर्श घालून देत डोंगरशेळकी ता. उदगीर येथील गीता मुंडे (Geeta Munde) यांनी आपल्या वाढदिवसानिमित्त नेत्रदानाचा संकल्प करत समाजासमोर प्रेरणादायी उदाहरण ठेवले आहे. वाढदिवसी थेट ‘दृष्टीदानाचा’ संकल्प करून समाजासमोर एक आदर्श ठेवला आहे. त्यांच्या या निर्णयाने “उत्सवापेक्षा योगदान मोठं!” हा संदेश ठळकपणे समोर आला आहे.डोंगरशेळकी येथील गिता हूलवंत मुंडे गृहिणी असून त्यांचे शिक्षण १२ वी पर्यत झाले आहे. गृहिणी असताना त्यांनी नेञदानाचा संकल्प करून समाजा समोर एक आदर्श निर्माण केला आहे.
उदगीर येथील लायन्स धर्मदाय नेत्ररुग्णालयात जाऊन त्यांनी नेत्रदानासाठी अधिकृत नोंदणी केली. एका साध्या वाटणाऱ्या निर्णयामागे असलेली संवेदनशीलता आणि सामाजिक बांधिलकी यामुळे हा उपक्रम शहरात चर्चेचा विषय ठरला आहे. या प्रसंगी मुख्य अधिकारी उज्ज्वला हेंद्रे, समुपदेशक प्रशांत गायकवाड व जनसंपर्क अधिकारी गणेश मुंडे उपस्थित होते. सर्वांनी गीता मुंडे (Geeta Munde) यांच्या या धाडसी व समाजोपयोगी निर्णयाचे कौतुक केले आहे. वाढदिवस हा केवळ वैयक्तिक आनंदाचा दिवस नसून समाजासाठी काहीतरी देण्याची संधी आहे, हा विचार त्यांच्या कृतीतून ठळकपणे अधोरेखित झाला आहे.
“माझ्या डोळ्यांतून कुणाला तरी जग पाहता आलं, तर तोच खरा वाढदिवस!” गिता मुंडे
माझ्या डोळ्यांतून कुणाला तरी जग पाहता आलं, तर तोच खरा वाढदिवस
अशा हृदयस्पर्शी शब्दांत गीता मुंडे यांनी आपल्या भावना व्यक्त केल्या.
त्या (Geeta Munde) पुढे म्हणाल्या, “आपण गेल्यानंतर शरीर राख होणारच आहे; पण त्याआधी जर आपण अवयवदानाचा निर्णय घेतला, तर आपल्या अस्तित्वातून कुणाचं तरी आयुष्य उजळू शकतं.” “नेत्रदान हे श्रेष्ठ दान” असल्याचा संदेश देत त्यांनी नागरिकांना पुढे येण्याचे आवाहन केले. माझ्या डोळ्यांतून कुणाला तरी जग पाहता आलं, तर तोच खरा वाढदिवस- अवयवदानासाठी पुढे या… कारण तुमचा एक निर्णय कुणाच्या आयुष्यात ‘प्रकाश’ आणू शकतो! आसे आवाहन त्यांनी यावेळी केले.
नेञदानाच्या संकल्पाला पतीची ही साथ
गिता मूंडे (Geeta Munde) यांनी नेञदानाचा संकल्प करताच या संकल्पाला त्यांचे पती हुलवंत मुंडे यांनी साथ देत नेञदान नोंदणीसाठी सोबत येवून नेञदानाचा नोंदणी केली.पत्नीच्या संकल्पाला पतीची साथ मिळाल्यामूळेच गिताने नेञदानाचा संकल्प पूर्ण केला आहे.
