Parbhani Farmer Suicides: बोरी येथील किटकनाशकाची फवारणी केल्यानंतर मळमळ झाल्याने रुग्णालयात दाखल करण्यात आलेल्या शेतकर्याचा उपचारा दरम्यान मृत्यू झाला.
मयत शेतकरी जिंतूर तालुक्यातील दुधगाव येथील रहिवाशी
परभणी (Parbhani Farmer Suicides) : बोरी येथील किटकनाशकाची फवारणी केल्यानंतर मळमळ झाल्याने रुग्णालयात दाखल करण्यात आलेल्या शेतकर्याचा उपचारा दरम्यान मृत्यू झाला. विषबाधा झाल्याने शेतकरी मयत झाला. ही घटना २२ जुलै रोजी घडली. मयत शेतकरी जिंतूर तालुक्यातील दुधगाव येथील रहिवाशी आहे. सदर प्रकरणी २३ जुलैला बोरी पोलिसात अकस्मात मृत्युची नोंद करण्यात आली आहे.
ओमकार जगन्नाथ राऊत यांनी खबर दिली आहे. जगन्नाथ बालासाहेब राऊत वय ५० वर्ष, असे मयत शेतकर्याचे नाव आहे. सदर शेतकर्याने दिवसभर शेतात किटकनाशक औषधाची फवारणी केली. रात्री शेतकर्याला मळमळ होऊन चक्कर येऊन उलट्या झाल्या. सदर शेतकर्यास परभणी येथील शासकीय रुग्णालयात दाखल करण्यात आले. उपचारा दरम्यान शेतकर्याचा मृत्यू झाला. विषबाधेने शेतकरी मयत झाल्यची बोरी पोलिसात देण्यात आली आहे. तपास पोह. अबुज करत आहेत.
शिक्षणाच्या तणावात विद्यार्थ्याची आत्महत्या
परभणी : अभियांत्रिकी शिक्षणाच्या तणावात येऊन रेल्वे समोर उडी घेतल्याने जखमी झालेल्या विद्यार्थ्याचा मृत्यू झाला. ही घटना २३ जुलै रोजी दुपारी दोनच्या सुमारास सेलू येथे घडली. राजू लोखंडे यांनी खबर दिली आहे. धम्मदीप लोखंडे वय २० वर्ष, असे मयत तरुणाचे नाव आहे. तपास पोह. राठोड करत आहेत.