विराट कोहलीने रचला इतिहास; बनला जगातील नंबर 1 खेळाडू

रोहित शर्माचा मोडला सर्वात मोठा विक्रम

चेन्नई (Virat Kohli) : रॉयल चॅलेंजर्स बंगळूर (RCB) चा अनुभवी फलंदाज विराट कोहलीने (Virat Kohli) आयपीएल 2026 च्या सनरायझर्स हैदराबादविरुद्धच्या पहिल्याच सामन्यात प्रत्येक क्रिकेटपटूचे स्वप्न पूर्ण केले. सनरायझर्स हैदराबादविरुद्धच्या आपल्या नाबाद 69 धावांच्या खेळीदरम्यान, विराट कोहलीने रोहित शर्माचा (Rohit Sharma) एक मोठा विक्रम मोडला. लक्ष्याचा पाठलाग करताना 4000 धावा पूर्ण करणारा तो आता आयपीएलच्या इतिहासातील पहिला आणि एकमेव फलंदाज ठरला आहे. या कामगिरीसोबतच, कोहलीने रोहित शर्माचा एक मोठा विक्रमही मोडला.

येथे CLICK करा: आयपीएल 2026: संपूर्ण वेळापत्रक

विराट कोहलीची एकाच मैदानावर सर्वाधिक अर्धशतके

कोहलीच्या या खेळीने केवळ आरसीबीला (RCB) विजय मिळवून दिला नाही, तर 'चेस मास्टर' ही त्याची ओळखही जगासमोर पुन्हा एकदा सिद्ध केली. चिन्नास्वामी स्टेडियमवरील हे त्याचे 28 वे अर्धशतक होते. जगातील कोणत्याही फलंदाजाने एकाच मैदानावर इतकी अर्धशतके झळकावलेली नाहीत.

विराट कोहलीने मोडला रोहित शर्माचा विक्रम

या स्फोटक खेळीने त्याने आपला सहकारी रोहित शर्माचा एक मोठा आणि प्रतिष्ठित विक्रम मोडीत काढला. (IPL 2026) आयपीएलच्या इतिहासात एकाच मैदानावर लक्ष्याचा पाठलाग करताना सर्वाधिक धावा करणारा फलंदाज म्हणून विराट (Virat Kohli) आता ओळखला जातो. मुंबईतील वानखेडे स्टेडियमवर लक्ष्याचा पाठलाग करताना (Rohit Sharma) रोहित शर्माने 1265 धावा केल्या होत्या, पण आता बंगळूरुमध्ये 1288 धावा करून कोहलीने त्याला मागे टाकले आहे. या कामगिरीवरून हे दिसून येते की, चिन्नास्वामी स्टेडियमला ​​कोहलीचा अभेद्य किल्ला का मानले जाते आणि लक्ष्याचा पाठलाग करताना त्याचा आत्मविश्वास अतुलनीय का असतो.

VIRAT KOHLI GIVING FLYING KISS TO ANUSHKA SHARMA AFTER WINNING THE MATCH VS SRH ?

Video of the day ? pic.twitter.com/r6bZR4Lk66

— Cricket Central (@CricketCentrl) March 28, 2026

RCB ने रचला धावांचा पाठलाग करण्याचा विक्रम

आरसीबीने (RCB) सनरायझर्स हैदराबादविरुद्ध 202 धावांचे लक्ष्य केवळ 15.4 षटकांत पूर्ण करून (IPL 2026) आयपीएलच्या इतिहासात एक मोठा विक्रम रचला आहे. आयपीएलमध्ये 200 पेक्षा जास्त धावांचा पाठलाग सर्वात कमी षटकांत जिंकण्याचा विक्रम आता रॉयल चॅलेंजर्स बंगळूरच्या नावावर आहे. या बाबतीत (RCB)  आरसीबीने राजस्थान रॉयल्स (Rajasthan Royals) (2025 मध्ये गुजरातविरुद्ध 15.5 षटके) आणि (Mumbai Indians) मुंबई इंडियन्स (2023 मध्ये आरसीबीविरुद्ध 16.3 षटके) यांसारख्या संघांना मागे टाकले असून, आपल्या आक्रमक फलंदाजीचे सामर्थ्य दाखवून दिले आहे.