भारतात मोठ्या आंदोलनाची तयारी? अभिजित दीपके यांचा ॲड. असीम सरोदे यांना दूरध्वनी

कॉकरोच जनता पक्ष'चे संस्थापक अभिजित दीपके हे ६ जून रोजी अमेरिकेतून भारतात परतणार असून, त्यांच्या आगमनापूर्वीच देशातील राजकीय वातावरण तापू लागले आहे.

भारतात मोठ्या आंदोलनाची तयारी? अभिजित दीपके यांचा ॲड. असीम सरोदे यांना दूरध्वनी

Delhi Protest

(Delhi Protest) कॉकरोच जनता पक्ष'चे संस्थापक अभिजित दीपके हे ६ जून रोजी अमेरिकेतून भारतात परतणार असून, त्यांच्या आगमनापूर्वीच देशातील राजकीय वातावरण तापू लागले आहे. भारतात परतण्यापूर्वी त्यांनी काही महत्त्वाच्या व्यक्तींशी संपर्क साधल्याची माहिती समोर आली असून, त्यामध्ये ज्येष्ठ विधिज्ञ ॲड. असीम सरोदे यांचाही समावेश आहे.

ॲड. सरोदे यांनी एका वृत्तवाहिनीशी बोलताना सांगितले की, अभिजित दीपके यांनी अमेरिकेतून त्यांना दूरध्वनी व संदेश पाठवून भारतात परतण्याबाबत चर्चा केली. सध्याची परिस्थिती लक्षात घेऊन त्यांनी सर्व बाबींचा सखोल विचार करूनच भारतात यावे, असा सल्ला आपण दिल्याचे सरोदे यांनी स्पष्ट केले.

अभिजित दीपके यांची भूमिका मांडताना सरोदे म्हणाले की, देशातील मुलांच्या समस्या आणि त्यांच्या वेदना मांडण्यासाठी कॉकरोच जनता पक्ष उभा राहिला आहे, असे दीपके यांचे मत आहे. मात्र कोणतेही आंदोलन किंवा जनजागृती करताना प्रक्षोभक भाषणांचा अवलंब न करता महात्मा गांधी यांच्या अहिंसात्मक मार्गाचा स्वीकार करावा, अशी सूचना आपण त्यांना केली असल्याचेही त्यांनी सांगितले.

दरम्यान, दीपके भारतात आल्यानंतर त्यांना मोठा लोकसमर्थन मिळतो की नाही, याकडे शासन आणि प्रशासनाचे लक्ष राहील, असे सरोदे यांनी नमूद केले. थेट अटक करण्याची घाई शासन करणार नाही, असे वाटत असले तरी काही परिस्थितींमध्ये विमानतळावरच त्यांना ताब्यात घेण्याची शक्यता नाकारता येत नसल्याचेही त्यांनी म्हटले.

विशेष म्हणजे, केंद्र सरकारने यापूर्वी राष्ट्रीय सुरक्षेचे कारण देत कॉकरोच जनता पक्षाचे 'एक्स'वरील खाते बंद केले होते. या निर्णयाविरोधात दीपके यांनी दिल्ली उच्च न्यायालयात दाद मागितली आहे. न्यायालयाने खाते तत्काळ सुरू करण्यास नकार दिला असला तरी केंद्र सरकार आणि 'एक्स' व्यवस्थापनाला नोटिसा बजावून प्रकरण विचाराधीन ठेवले आहे.

सोनम वांगचुक, प्रकाश राज, डॉ. विश्वंभर चौधरी, निखिल वागळे यांच्यासह अनेक मान्यवरांना आगामी आंदोलनासाठी निमंत्रण देण्यात आल्याची माहितीही समोर आली आहे. त्यामुळे ६ जूननंतरच्या घडामोडींवर देशभराचे लक्ष लागले आहे.

 ६ जूनच्या दिल्लीतील आंदोलनात सोनम वांगचुक सहभागी होणार; धर्मेंद्र प्रधान यांच्या राजीनाम्याची मागणी

सामाजिक कार्यकर्ते आणि शिक्षण क्षेत्रातील सुधारणा समर्थक सोनम वांगचुक हे ६ जून रोजी दिल्ली येथे आयोजित करण्यात आलेल्या आंदोलनात सहभागी होणार असल्याची माहिती समोर आली आहे. हे आंदोलन कॉकरोच जनता पार्टी (CJP) यांच्या वतीने आयोजित करण्यात आले असून, केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी या आंदोलनातून करण्यात येणार आहे.

संबंधित सामग्री

आंदोलनांसाठी सार्वजनिक जागा अनिश्चित काळ अडवता येणार नाही! सर्वोच्च न्यायालयाचे महत्त्वपूर्ण निरीक्षण

आंदोलनांसाठी सार्वजनिक जागा अनिश्चित काळ अडवता येणार नाही! सर्वोच्च न्यायालयाचे महत्त्वपूर्ण निरीक्षण

सार्वजनिक जागांवरील आंदोलनांना कालमर्यादा हवी, असे सर्वोच्च न्यायालयाचे निरीक्षण. दिवाळीतील आंदोलनांवर व्यापाऱ्यांची याचिका.

Nov 03, 2026
युद्धाचा धोका की नैसर्गिक आपत्ती? १२ देशांनी नागरिकांना दिला सतर्कतेचा इशारा

युद्धाचा धोका की नैसर्गिक आपत्ती? १२ देशांनी नागरिकांना दिला सतर्कतेचा इशारा

जगातील अनेक देशांनी नागरिकांना आपत्कालीन तयारीच्या सूचना दिल्या आहेत. अन्न, पाणी आणि औषधांचा साठा ठेवण्याचा सल्ला देण्यात आला आहे.

Oct 30, 2026
जंतर-मंतर हिंसाचार प्रकरणाची होणार चौकशी; न्यायालयाची समिती करणार सुनावणी !

जंतर-मंतर हिंसाचार प्रकरणाची होणार चौकशी; न्यायालयाची समिती करणार सुनावणी !

Jantar Mantar violence case: जंतर-मंतर येथे जुलै महिन्यात झालेल्या आंदोलनादरम्यान हिंसाचार, पेलेट गनचा कथित वापर, महिला आंदोलकांशी गैरवर्तन आणि पोलिसांकडून झालेल्या कथित अत्याचारांच्या आरोपांची चौकशी

Oct 25, 2026
दिल्ली हायकोर्टात CJP नेत्यांना झटका; सौरव दास आणि आशुतोष रांका यांनी जामीन याचिका घेतली मागे

दिल्ली हायकोर्टात CJP नेत्यांना झटका; सौरव दास आणि आशुतोष रांका यांनी जामीन याचिका घेतली मागे

दिल्ली हायकोर्टाच्या कठोर टिप्पणींनंतर CJP नेते सौरव दास आणि आशुतोष रांका यांनी जामीन याचिका मागे घेतली. आता SEM न्यायालयातील सुनावणीकडे लक्ष.

Oct 21, 2026
CJP संस्थापक अभिजीत दीपके यांना दिल्ली पोलिसांकडून अटक; नेहा बोरा यांची सुटका, न्यायालयाच्या निर्णयाकडे लक्ष

CJP संस्थापक अभिजीत दीपके यांना दिल्ली पोलिसांकडून अटक; नेहा बोरा यांची सुटका, न्यायालयाच्या निर्णयाकडे लक्ष

दिल्लीतील तिरंगा मार्चपूर्वी CJP संस्थापक अभिजीत दीपके यांना अटक, तर नेहा बोरा यांची सुटका. पोलिसांच्या कारवाईवर बोरांनी प्रश्न उपस्थित केले.

Oct 17, 2026