उत्तुंगतेज बालवैज्ञानिक स्पर्धा परीक्षेत विद्यार्थ्यांचे घवघवीत यश

जवळाबाजार/ हिंगोली (Pediatric Competitive Examination) : येथील उत्तुंगतेज फाउंडेशनतर्फे आयोजित उत्तुंगतेज यूथ सायंटिस्ट्स कॉम्पिटिशन परीक्षा (UYSC Exam) 2026 मध्ये श्री शिवाजी हायस्कूल, शेलसूर येथील विद्यार्थ्यांनी उल्लेखनीय यश संपादन केले आहे.

या (Pediatric Competitive Examination) स्पर्धा परीक्षेसाठी शाळेतील एकूण 34 विद्यार्थी प्रविष्ट झाले होते. त्यापैकी 18 विद्यार्थी मुलाखतीसाठी पात्र ठरले आहेत. विशेष बाब म्हणजे इयत्ता आठवीतील विद्यार्थिनी समृद्धी दत्तात्रय शिंदे हिने राज्यस्तरावर इयत्ता 8 वी ते 10 वी गटामध्ये 8 वा क्रमांक (State Rank 8) मिळवत इस्रो (ISRO) अभ्यास दौऱ्यासाठी निवड होण्याचा मान मिळविला आहे.

विद्यार्थ्यांच्या या यशामुळे शाळा, पालक, शिक्षक तसेच परिसरात आनंदाचे वातावरण निर्माण झाले आहे. विद्यार्थ्यांमध्ये विज्ञानाची आवड निर्माण करून त्यांना संशोधन व वैज्ञानिक दृष्टिकोनाकडे प्रेरित करण्यासाठी उत्तुंगतेज फाउंडेशन सातत्याने विविध उपक्रम राबवत आहे. या यशामुळे संस्थेच्या कार्याला आणखी बळ मिळाले असून भविष्यातही विद्यार्थ्यांना राष्ट्रीय स्तरावरील संधी उपलब्ध करून देण्याचा संस्थेचा मानस आहे.

या (Pediatric Competitive Examination) यशामागे विद्यार्थ्यांचे परिश्रम आणि मार्गदर्शक शिक्षकांचे योगदान महत्त्वाचे ठरले आहे. विशेषतः सौ. लहाने मॅडम यांनी विद्यार्थ्यांना दिलेले सातत्यपूर्ण मार्गदर्शन, विज्ञान विषयाबाबत निर्माण केलेली आवड आणि स्पर्धा परीक्षेसाठी घेतलेले विशेष प्रयत्न यामुळे विद्यार्थ्यांना हे यश संपादन करता आले. विद्यार्थ्यांच्या सर्वांगीण विकासासाठी त्यांच्या योगदानाचे सर्व स्तरांतून कौतुक होत आहे.

समृद्धी शिंदेची इस्रो अभ्यास दौऱ्यासाठी झालेली निवड ही शाळा आणि परिसरासाठी अभिमानाची बाब मानली जात असून, यशस्वी विद्यार्थी, त्यांचे पालक, शिक्षक तसेच उत्तुंगतेज फाउंडेशनच्या पदाधिकाऱ्यांवर अभिनंदनाचा वर्षाव होत आहे.